دەسەڵاتی دیکتاتۆریی یان دوو ڕوویی سیاسیی
ئاهورا هەورامی
وێنەیەکی ڕوونی دوو ڕوویی سیاسییە کە لە زۆرێک لە وڵاتانی ڕۆژهەڵاتی ناوەڕاست و سیستمە دیکتاتۆرییەکاندا دەبینرێت. و پەیڕەو دەکرێت
ڕێژیم لە بەرچاو گەلەکەی خۆیدا دوژمنایەتی ڕۆژئاوا دەکات،
لەگەڵ ئەوەشدا نەوەکانیان دەنێرێتە ئەوێ بۆ ئەوەی داهاتووی خۆیان بنیات بنێن.
ئەم دیاردەیە نەک هەر ناکۆکییەکی قووڵە، بەڵکو نیشانەی نەبوونی متمانەی دەسەڵاتدارانە بەو سیستمەی خۆیان بۆ خەڵکیان دروست کردووە.
لێرەدا چوار خاڵی سەرەکی گرنگ هەن کە ڕوونی دەکەمەوە بۆچی ئەمە ڕوودەدات:
پارادۆکسی دروشم و واقیع
ڕێژیم "ڕۆژئاوا" وەک دوژمن و هۆکاری هەموو کێشەکان نیشان دەدات
١- بۆ ئەوەی:
خەڵک سەرقاڵ بکات: سەرنجی گشتی لەسەر شکستی ناوخۆیی لابدات.
هەستی نەتەوەیی بەکاربهێنێت: بۆ سەرکوتکردنی ئۆپۆزسیۆن بە ناوی "سیخوڕی بێگانە"
خۆ بە پارێزەر نیشان بدات: وا دەربکەوێت کە تەنها ئەوان دەتوانن وڵات لە "دەستێوەردانی دەرەکی" بپارێزن.
٢- بۆچی نەوەکانیان دەنێرنە ڕۆژئاوا؟
لە پشت پەردەوە، هەمان ئەو دەسەڵاتدارانە دەزانن کە ڕۆژئاوا خاوەنی چ شتێکە کە ئەوان لە وڵاتی خۆیاندا تێکیان داوە:
سیستمی پەروەردەی بەهێز: بۆ ئەوەی
نەوەکانیان ببنە خاوەن بڕوانامەی جیهانی.
ئاسایشی ئابووری:
پاراستنی سەرمایە و داهاتی خێزانەکانیان لە بانکە. نێودەوڵەتییەکاندا
ئازادی کەسی: نەوەکانیان دەیانەوێت چێژ لەو ژیانە وەربگرن کە دەسەڵات بۆ گەنجانی ناوخۆی وڵاتی قەدەغە کردووە.
٣- داهاتوویەکی جێگیر: وەک "پلانی ب" ئەگەر ڕۆژێک دەسەڵاتیان لەدەستدا، پەناگەیەکی ئارامیان هەبێت.
٤- دەرەنجامەکان بۆ کۆمەڵگا
ئەم ڕەفتارە دەبێتە هۆی
بێهیوایی گەنجان: کاتێک دەبینن کوڕی
بەرپرسێک لە لەندەن یان پاریسە و ئەوان لە بێکاریدا دەژین.
کۆچی مێشکەکان: گەنجە زیرەکەکان هەوڵ دەدەن لاسایی نەوەی بەرپرسەکان بکەنەوە و وڵات جێبهێڵن.
داڕمانی متمانە: دروستبوونی دابڕانێکی گەورە لە نێوان دەسەڵات و کۆمەڵگا.
نووسینی ئاهورا هەورامی
