پەیامنێری ئەلعەرەبییە لە ڕاپۆرتێکدا ڕایگەیاند، ڕۆژی دووشەممەی داهاتوو ئەنجومەنی نوێنەرانی ئەورووپا بڕیارەکەی پێشکەش بە ئەنجومەنی وەزیرانی دەرەوە دەکات بۆ پەسەندکردنی سزای ئابووری زیاتر بۆ سهر ئێران.
سبەی چوارشەممە نوێنەرانی ئەنجوومەنی یەکێتیی ئەورووپا کۆبوونەوەیەک بۆ تاوتوێکردنی گەمارۆکانی سەر ئێران ئەنجام دەدەن.
یەکێتیی ئەورووپا لە زیاتر لە بۆنەیەکدا سەرکوتکردنی سیستماتیکی خۆپیشاندەرانی ئێرانی شەرمەزار کرد و بەڵێنیدا سزا بەسەر ئەو کەسانەدا بسەپێنێت کە بەرپرسیارن. وهک دانانی سپای پاسداران لە لیستی گەمارۆکان
ئەمە لە کاتێکدایە کە حکومەتی ئەڵمانیا ڕایگەیاند کە یەکێتیی ئەورووپا بڕیارێک لەبارەی خستنەڕووی سوپای پاسدارانی ئێران لە پاکێجی نوێی گەمارۆکانی دژی تاران دەدات.
وتەبێژی حکومەتی ئەڵمانیا، دوو ڕۆژ لەمەوبەر ڕایگەیاند کە کار بۆ سەپاندنی پاکێجێک لە سزا نوێیەکان لە ئارادایە.
وتەبێژی حکومەتی ئەڵمانیا ئامادەنەبوو وردەکاری زیاتر سەبارەت بەم پاکێجە نوێیە بخاتەڕوو.
ئەم لێدوانانە دوای هەفتەیەک دێت کە ئۆلاف شوڵز، ڕاوێژکاری ئەڵمانیا لەو بارەیەوە وتی.
شوڵتز توندوتیژی توندی هێزە ئەمنییەکانی ئێرانی لە دژی خۆپیشاندەران شەرمەزار کردبوو و بە ڕاگەیاندنی پشتیوانی خۆی بۆ گەلی ئێران وتی: یەکێتیی ئەورووپا بیر لە سەپاندنی سزای زیاتر لە دژی تاران دەکاتەوە.
شوڵز لە ٣١ی ئوکتوبهر لە تویتێکدا نووسیویەتی، سزاکانی یەکێتی ئەوروپا گرنگن و لە ئێستادا بیر لە ڕێوشوێنی زیاتر دەکەینەوە.
پێشتر یەکێتیی ئەورووپا سزای سەپاندبوو لە پێوەندی لەگەڵ پێشێلکردنی مافەکانی مرۆڤ لە ئێران، هەروەها بەهۆی بەکارهێنانی فڕۆکەی بێفڕۆکەوانی ئێرانی لەلایەن ڕووسیا بۆ هێرشکردنە سەر ئۆکرانیا.
وەزیری دەرەوەی ئەڵمانیا، ئانالینا باربۆک، پێشتر ڕایگەیاندبوو کە وڵاتەکەی و یەکێتی ئەوروپا لە لێکۆڵینەوەدان بۆ دانانی سوپای پاسداران لە لیستی ڕێکخراوە تیرۆریستییەکان.
