١٦ی مارس وەبیرهێنانەوەی یەکێک لە گەورەترین تاوانەکانی دەوڵەتی بەعس دژی نەتەوەی کوردە کە بە بەکارهێنانی چەکی کیمیایی شاری حەڵەبجە کرایە ئامانج و بە هەزاران هاوڵاتی کورد لەو کارەساتەدا کوژران. ئەم تاوانە بێگومان درێژەی سیاسەتی کۆمەڵکوژی و هەوڵی سڕینەوەی نەتەوەی کورد بوو کە حکوومەتی داگیرکەری عێراق ساڵانێک پەیڕەوی دەکرد.
لە هەمان کارەساتیشدا، ٧٢ هاوڕێ لە پێشمەرگەکانی «گوردانی شوان»ی کۆمەڵە ژەهراوی بوون و لە شەڕێکی نابەرابەر لەگەڵ چەکدارانی حکوومەتی ئێران گیانیان بەخت کرد. ئەم دوو کارەسات و تاوانە لە بیرەوەری سیاسیی نەتەوەی کورد و مێژووی خەباتەکەیدا ماونەتەوە.
ئەو کاتە کۆمەڵگای جیهانی و دەوڵەتان چاویان لەو تاوانانە پۆشی و هیچ کاردانەوەیەکیان نەبوو بەڵام ئەمڕۆ دەبینین کورد و پرسەکەی لە هەموو جیهان دەنگی داوەتەوە و بووەتە ئەجیندایەکی سەرەکیی ناوەندە سیاسییەکانی جیهان. گیانبازی و فیداکاریی نەتەوەی کورد و خەباتکارانی دەسکەوتی مەزنی بۆ ئەمڕۆ و داهاتووی کوردستان دەبێ.
ڕەزا کەعبی
١٦ مارس ٢٠٢٦
