فەرماندەیی ناوەندی سوپای ئەمریکا بە هاوکاری هەسەدە بەرپرسێکی راگەیاندنی داعشیان لە رۆژهەڵاتی سوریا دەستگیرکردوە
فەرماندەیی ناوەندی سوپای ئەمریکا بە هاوکاری هەسەدە بەرپرسێکی راگەیاندنی داعشیان لە رۆژهەڵاتی سوریا دەستگیرکردوە
فەرماندەیی ناوەندی سوپای ئەمریکا ناسراو بە سێنتکۆم لە ئاماژەی بەوەکردوە، هێزەکانیان ئۆپەراسیۆنێکی هاوبەشیان لەگەڵ هەسەدەئەنجامداوە و توانراوە ئەندامێکی داعش دەستگیر بکەن، کە وەکو خۆی دەڵێت، بەرپرسێکی راگەیاندنی رێکخراوەکە بوە.
سێنتکۆم دەڵێت: "ئەو بەرپرسەی داعش دەستی هەبوە لە پلاندانان و کارئاسانیکردن بۆ ئۆپەراسیۆنەکانی داعش لە ناوخۆ و دەرەوەیناوچەکە." جگە لەوەش هەوڵیداوە ئەندامی نوێ بباتە نێو داعش.
سێنتکۆم ئاماژەی بەوەشکردوە، لە ساڵی 2022دا، نزیکەی 313 ئۆپەراسیۆنی دژ بە داعشی لە عێراق و سوریا کراوە، کە زۆربەیان بەهاوکاری هێزەکانی سوپای سوریای دیموکرات بوە و لە سوریا 215 چەکداری داعش دەستگیرکراون و 466 چەکداریش کوژراون.
