بنیامین نتانیاهو، سەرۆکوەزیرانی ئیسرائیل، لە کۆبوونەوەی کابینەی ئەمنی ئەم وڵاتە ڕایگەیاند کە لەسەر گواستنەوەی یۆرانیۆمی ڕژێمی تێرۆریستی ئێران لەگەڵ ئەمریکا ڕێککەوتوون.
دۆناڵد ترامپ، سەرۆککۆماری ئەمریکا، ڕایگەیاند کە ئەگەر ڕژێمی تێرۆریستی ئێران بە ڕێککەوتنەکە ڕازی نەبێت، بۆردوومانەکان دەستپێدەکەنەوە و زۆر بەهێزتر دەبن.
بەپێی ڕاپۆرتی ئاکسیۆس، پێشنیارێکی ڕێککەوتنی یەکلاپەڕەیی بۆ کۆتاییهێنان بە جەنگی نێوان ڕژێمی تێرۆریستی ئێران و ئەمریکا و ئیسرائیل ئامادە کراوە. چاوەڕوان دەکرێت تاران لە ماوەی ٤٨ کاتژمێری داهاتوودا وەڵامی چەند خاڵێکی سەرەکی بداتەوە.
ڕۆیتەرز بە گوتەی سەرچاوەیەکی پاکستانی ڕاپۆرتی دا کە ئەمریکا و ڕژێمی تێرۆریستی ئێران نزیک بوونەتەوە لە ڕێککەوتن لەسەر یاداشتێکی یەکلاپەڕەیی بۆ کۆتاییهێنان بە جەنگ.
عەباس عەراقچی، وەزیری دەرەوەی ڕژێمی تێرۆریستی ئێران، لە پەکین لەگەڵ هاوتا چینییەکەیدا ڕایگەیاند کە تەنها ڕێککەوتنێکی دادپەروەرانە و گشتگیر دەپەسەرێنن.
ترامپ محاصیرەی تەنگەی هۆرمۆزی بە دیواری پۆڵایین وەسف کرد و گوتی: ئەگەر ئێستا ڕازی نەبن، دواتر ناچار دەبن ڕێککەوتن بکەن.
نتانیاهو ڕایگەیاند کە خۆی و ترامپ ڕۆژانە پەیوەندی تەلەفۆنی دەکەن و تیمەکانی هەردوولا بە شێوەیەکی ڕۆژانە پەیوەستن.
ئێستا نزیکەی ١٦٠٨ کاتژمێرە کە ڕژێمی تێرۆریستی ئێران ئینتەرنێتی لە وڵاتدا پچڕاندووە و خەڵکی ئێران لە ساڵی ٢٠٢٦ەوە نزیکەی ٧٠٪ی ئەم ساڵە بەبێ ئینتەرنێتی جیهانی بەسەر بردووە.
