وەڵامێکی کورت بۆ هاوڕێیەکی نەناسراو!
هاوڕێی ئازیز، سپاس بۆ پەیامەکت و کەمتەر خەمیم کردوە کە تا ئێستاش هیچم نەنووسی لەسەر ئەوەی بزانم دەگاتە کوێ ئەم هاوپەیمانیە کە دیتم زیاتر بۆ پروپاگەندی حزبیە ئەوەی تا ئێستا خۆی دەرخستوە بە وڵامێک بۆ بەرێزت و رای گشتی بۆگەلی کوردستان و ناوندی دیالۆگ
نیگەرانی بەرێزت بێ بنەما نییە و تەنها نیگەرانییەی تۆ نییە؛ نیگەرانییەی بەشێکی زۆر لە خەڵکی کوردستان و تەنانەت ئەندامانی ناو ناودی دیالۆگ کە بێدەنگیان بەرانبەر هەڵبژاردوە. هەر حزبێک کە بانگەشەی دیموکراسی دەکات، پێویستە لە ڕەفتار و هەڵسوکەوتەکەیدا دیموکراسی بنوێنێت، نەک تەنها لە وشەکاندا. کاتێک لایەنێک پێشینەیەکی پڕ لە ناکۆکی ئەمنی و هەڕەشەی ناوخۆیی و کەیسەکانی چارەسەرنەکراوی هەبێت، متمانەی ناعەقڵانیی و نابەرپرسانەیە بەرانبەر بەخۆدی ئەو حیزبانە و گەلی کورد. بێدەنگی لە بەرامبەر مەترسیدا بێلایەنی نییە؛ هاوبەشییەکی بێ ئاگادارییە کە پەیامەکەی بەرێز هاندی دام دەست بدەمە نووسین و ئاگادار کردنەوەی بۆ رای گشتی لە مەڕ ئەوەی کە: ئەو گەلەی لە شەقامەکاندا گیانیان لەدەستداوە و لەگەڵ فشارە ئابووری و ئەمنییەکان خەبات دەکەن، زیاتر لە هەموو شتێک پێویستیان بە ڕاستگۆیی هەیە.
هاوپەیمانی لەگەڵ سێبەری هەڕەشە و متمانە بە پارتی ئازادیی کوردستان مەترسی ئەمنییە؟
لە کەشوهەوای نوێدا کە باس لە "یەکگرتن" و "دیالۆگ" دەکرێت، دەبێت بە ئاشکرا پرسیارێکی بنەڕەتی بکرێت: لەسەر چ بنەما و پێوەرێکی ئەمنی و ئەخلاقی متمانە بە پارتی ئازادیی کوردستان کراوە؟ ئاخر هەر لە چەند ،مانگی ڕابردوو نەبوو کە هەڕەشەکردن بۆ ئاشکراکردنی پەیامە نهێنییەکانی نیوان خۆیان و ئەندامن و بەرپرسانی دیکەی حیزبە کوردستانیەکان دەکرد، وەک ئامرازی فشار و هەڕەشە. ئەم کارە ناکۆکییەکی سیاسی نییە بەڵکو، ڕەفتاری ئەمنیە کاتێک بیەوێت بە ناوی هەرەشە پەیامێکی نهێنی لە لایەنێکی دیکە بڵاوبکاتەوە بۆ بێدەنگکردنی، سبەی لەناو هاوپەیمانیدا چی دەکات، با روون بلێم هەر بیرتان لێ نەکردوەتەوە هیچ لایەنێکتان.
ناکۆکییە گشتییەکانی نێوان پژاک و پارتی ئازادیی کوردستان تەنیا لە ڕەخنەی سیاسیدا سنووردار نەبووە، بەڵکو تۆمەتی ئەمنی و ناونانی قورسیشی لەخۆ گرتووە. لە لایەکی دیکەوە، گرژیی میدیایی و هەڵوێستە فەرمییەکانی نێوان حیزبی دێموکراتی کوردستانی ئێران و پژاک لە چەند مانگی ڕابردوودا نیشانی داوە کە بۆشاییەکان چارەسەر نەکراون، هەروەها بەڕێوبەرایەتیش چارەسەر نەکراوە.
هاوپەیمانییەک کە جیاوازییە بنەڕەتی و ئەمنییەکان لە ژێر ناوی یەکگرتن بشارێتەوە و چارەسەرکردنیان بخاتە داهاتوو، نەک تەنها بەردەوام نابێت، بەڵکو لە یەکەم تاقیکردنەوەی مەیدانی و یەکەم تێکچوونی ڕاستەقینەدا بە تەواوی هەڵدەوەشێتەوە.
نەبوونی پەیوەندی سازمانی خەبات و پارتی ئازادیی کوردستان بەهۆی ناردنی ئەنامی نفوزی پاک بۆ سازمانی خەبات. کاتێک پرسی “سیخوڕی” و “دزەکردن” دەچێتە ناو هاوکێشەکەوە، ناکۆکییەکی سیاسی ئاسایی نییە، بەڵکو هۆشدارییەکی جددییە لەسەر ئاستی ئاسایشی گشتی؛ ئەم پرسە دەچێە ناو پەیوەندییەکی سیاسییەوە، ئیتر مەسەلەکە کێبڕکێی حزبی یان ململانێی گوتاری نییە، بەڵکو دەبێتە پرسێکی متمانە و ئاسایشی پێکهاتەیی و تەندروستی تەواوی فەزای سیاسی.
پارتی ئازادی بە هەڕەشە بۆ سەر ڕەخنەگرانی ناوخۆی و فشاری دەروونی و تەنانەت هەڕەشە لە بنەماڵەی ڕەخنەگرانیش، ئەم ئاستە لە دوژمنایەتی نیشانەی ناکۆکی سیاسی نییە؛ نیشانەی عەقڵیەتی ئەمنی مەترسیدارە.
هەمووتان ئاگاداری وزعیەتی ئەندامانی ناو ئەو گروپەن و خۆدزینەوە و بێدەنگیتان لە چەند ساڵی ڕابردوو لە ئاستی کوشتن و شکنجە و زیندانی کە تا ئێستا من ئەمە دەنووسم دەیان کەس لە ناو ئەو حیزبە گیانیان لە مترسێدایە و بە گشتی ئاگادارن و ناتوانن نە حاشای لێ بکەن و نە ئیدعای بکەن کە چاکسازی کراوە چون زۆر باش ئاگاداریان هەم.
بەشیکی زۆر سکالا و داخوازی بنەماڵکان لە نێو دادگاکانی باشووری کوردستان بێ هیچ وڵامدانەوەێکی ئەم لایەنە ماونەتەوە دەکرێت بزانین ئایا یاسای باشووری کوردستان نادادپەروەرانەیە یا حسەین یەزدانپەنا مافیای خوێن لاوان ملکەچی یاسا نابێت.
ئەگەر "ناوەندی گفتوگۆ" ئیدیعای بەرپرسیارێتی نیشتمانی بکات، پێویستە بە ڕوونی وەڵامی بداتەوە:
ئایا هەڵسەنگاندنی ئەمنی سەربەخۆ لەسەر ئەم حزبە کراوە؟
ئایا پێداچوونەوە بە دۆسیەی تۆمەتە ناوخۆییەکان کراوە؟
ئایا میکانیزمی لێپرسینەوە دیاری کراوە؟
یان ئامانج تەنها زیادکردنی ژمارەی هێزەکان و نیشاندانی یەکڕیزییە؟
ئایا بڕیارە هەموو هێزێک بچێتە ناو هاوپەیمانییەوە، تەنها بۆ پڕکردنەوەی ڕیزەکان، بەبێ پاڵاوتنی ئەمنی و ئەخلاقی؟
مەسەلەکە کێشە ئەمن و حسەین نییە؛ بابەتی داهاتووی گەلە ئەو گەلەیە کە خوێنی داوە لە ئەم ڕێگەیە، مافی خۆیانە بزانن کێ بڕیار لە داهاتووی و ئەم نیشتمانە دەدات
ئەگەر بڕیارە هاوپەیمانییەکە لەسەر بنەمای، بێدەنگی لە بەرامبەر کێشە و ئەندامانی ناو ئەو حیزبە کە وەک سجن کرابێتن وان و کوشتن و دەسدرێژی بۆ سەر رەخنەگران وپشتگوێخستنی ناکۆکییە ئەمنییەکانە و پشتگوێخستنی برینە چارەسەرنەکراوەکان ئەو هاوپەیمانییە لە ئێستاوە دەبێتە هۆی
ئەگەر بڕیارە هاوپەیمانییەکە لەسەر بنەمای بێدەنگی لە بەرامبەر کێشەکان، چاوپۆشی لە بارودۆخی ئەندامانی ناو ئەو پاک کە وەک زیندانکراو هەڵسوکەوتیان لەگەڵ دەکرێت، هەروەها پشتگوێخستنی کوشتن و شکنجە و هەرەشە و تەنانەت دەسدرێژی لەسەر ڕەخنەگران و چارەسەرنەکردنی ناکۆکییە ئەمنییەکان بنیات بنرێت، ئەگەر پێکهاتەیەک هەبێت کە تاکەکان لە ژێر هەڕەشە و زۆرەملێدا بمێننەوە، ئەوا ئەو پێکهاتە پێویستی بە لێپرسینەوە هەیە. ئەو هاوپەیمانییە لە ئێستاوە دەبێتە سەرچاوەی قەیرانێکی قوڵتر، شڵەژانی ناوخۆیی و لەدەستچوونی باوەڕی جەماوەری، نەک هێزێکی نوێ بۆ یەکگرتن.
متمانە ئیمتیاز نییە؛ دەرئەنجامی شەفافیەتییە، بۆیە پارتی ئازادیی کوردستان لە هیچ میکانیزمێکی نیشتمانیدا جێگەی متمانەپێکراوی نابێت.ئایا ڕێبازێکی لەو شێوەیە لەگەڵ دیالۆگدا دەگونجێت؟
