ڕۆژی سێشەممە، ژمارەیەک دووکاندارانی کورد لە گەڕەکی ئەسنیورت لە ئیستانبوڵ بەهۆی هێرشێکی ڕەگەزپەرستانەوە ڕەوانەی نەخۆشخانە کران.
بەپێی ڕاپۆرتەکان، خەڵکێکی توڕە کە پێکهاتبوون لە نزیکەی ٣٠ کەس، هێرشیان کردە سەر دووکانە کوردییەکان و دووکاندارەکانیان بە دار و بەرد لێدا.
لە ئەنجامی ئەم هێرشەدا، چەندین دووکاندار بریندار بوون و بەپەلە ڕەوانەی نەخۆشخانە کران بۆ وەرگرتنی چارەسەری پزیشکی.
پۆلیسی تورکیا لە شوێنی ڕووداوەکە ئامادە بووە و لێکۆڵینەوەی لەسەر هێرشەکە دەستپێکردووە، بەڵام تا ئێستا هیچ کەسێک دەستگیر نەکراوە.
ڕێکخراوەکانی مافی مرۆڤ ئیدانەی ئەم هێرشە ڕەگەزپەرستانەیان کردووە و داوای پاراستنی کوردانی تورکیا دەکەن. شایهنی باسه کوردهکان له باکووری کوردستان ڕۆژانه تووشی ههڕهشه و پهلامای ڕهگهزپهرستهکانی تورک دهبنهوه
سهنتهری ستۆکهۆم بۆ ئازاد، ئهم ههواڵه و وێنهکهی بڵاوکردۆتهوه
