ئاگرکەوتنەوە لە کارگەیەکی فڕۆکەی بێفڕۆکەوانی ئەمریکی لە لاتڤیا
ئاگرکەوتنەوە لە کارگەیەکی فڕۆکەی بێفڕۆکەوانی ئەمریکی لە لاتڤیا
ئاگر لە کارگەیەکی فڕۆکەی بێفڕۆکەوانی ئەمریکی لە لاتڤیا کەوتەوە کە پێداویستی بۆ سوپای ئۆکرانیا و ئەندامانی ڕێکخراوی پەیمانیباکووری ئەتڵەسی (ناتۆ) دابین دەکات.
زۆرێک لە ئۆتۆمبێلەکانی پۆلیس و ئاگرکوژێنەوە و ئەمبولانس لە نزیک شوێنی ئاگرەکە لە کارگەی "ئێدج ئۆتۆنۆمی"ی ئەمریکی بەڕێوەدەبرالە جەرگەی ڕیگا پایتەختی لاتڤیا جێگیرکرابوون.
هۆکاری ئاگرکەوتنەوەکە نەزانراوە، بەڵام بەگوێرەی دەزگای فریاکەوتنی لاتڤیا دوو کەس گەیەندراونەتە نەخۆشخانە، لەڕێگەی تویتەرەوەڕوونیکردووەتەوە کە کەسی سێیەم لە شوێنی دامەزراوەکە چارەسەر وەردەگرێت.
دەزگای ئاگرکوژێنەوە لە هەژماری تایبەتی خۆی لە تۆڕی کۆمەڵایەتی تویتەر بڵاویکردەوە، "ئاگرێکی زۆر سەخت لە باڵەخانەیبەرهەمهێناندا کەوتەوە و دوکەڵێکی زۆری لێ دەرچووە"، داوا لە دانیشتوانی ناوچەکە دەکات دەرگا و پەنجەرەکانیان بە داخراوی بهێڵنەوە.
دوای چەند کاتژمێرێک لە ڕەوانەکردنی نزیکەی ٥٠ ئاگرکوژێنەوە بۆ شوێنی ڕووداوەکە، دەزگاکانی فریاکەوتن ڕایانگەیاند کە ئاگرەکە لەژێر کۆنتڕۆڵدایە، لەکاتێکدا پۆلیس لێکۆڵینەوەی بۆ بارودۆخەکە کردەوە.
کۆمپانیاکە کە بنکەکەی لە کالیفۆرنیایە، بەپێی ماڵپەڕەکەی، فڕۆکەی بێفڕۆکەوانی دوور مەودا بۆ مەبەستی هەواڵگری و چاودێری و سیخوڕیبەرهەم دەهێنێت.
