چەند لایەنێکی سیاسی سورن لەسەر لادانی محەمەد حەلبوسی لە پۆستی سەرۆکی پەرلەمانی عێراق
چەند لایەنێکی سیاسی سورن لەسەر لادانی محەمەد حەلبوسی لە پۆستی سەرۆکی پەرلەمانی عێراق
بەتۆمەتی بردنی ئەو پارانەی بۆ ئاوەدانکردنەوەی پارێزگا سونەکان، کە لە دوای شەڕی داعش وێرانبوون، لایەنە سونەکان هەوڵەکانیان بۆلابردنی محەمەد حەلبوسی لە پۆستی سەرۆکی پەرلەمانی عێراق چڕکردووەتەوەو چوارچێوەی هەماهەنگیش پشتگیری هەوڵەکان دەکات.
ڕۆژنامەی شەرقولئەوسەت لە ڕاپۆرتێکدا بەناونیشانی “ململانێیەکی شاراوە ئەگەری هەیە حەلبووسی لە سەرۆکایەتیی پەرلەمانی عێراقدووربخاتەوە” ئاشکرایکردووە، بەشێک لە سەرکردە سوننەکان و ئەنجومەنی عەشایەریی پارێزگای سەلاحەدین و ئەنبار دژایەتیی خۆیان بۆمحەمەد حەلبووسیی دەربڕیوە بەهۆی بوونی کۆمەڵێک بەڵگەی گەندەڵی لەسەرى.
وەک لە ڕاپۆرتەکەی شەرقولئەوستدا هاتووە، هەوڵەکە بەئامانجی کەمکردنەوەی هەژموونی سیاسیی حەلبووسییە، بەتایبەت، کە بەشێکی زۆرلە لایەنە سوننەکان نیگەرانی خۆیان دەربڕیوە لەوەی سەرۆکی پەڕلەمان لەڕێگەی هەڵبژاردنی داهاتوی ئەنجومەنی پارێزگاکان زیاترکۆنترۆڵکردنی پۆستەکانی پارێزگاکانی سەڵاحەدین و ئەنبار و موسڵ بکات.
سەرچاوە سیاسییە ئاگادارەکان ئاماژە بەوە دەکەن، سەرکردە سوننەکان دەستیان کردووە بە نزیکبوونەوە لە هێزە سیاسییەکانی دیکە، بۆئەوەی بەشداری هەوڵەکان بکەن بۆ دوورخستنەوەی محەمەد حەلبوسی، هەروەها هەندێک لایەنی چوارچێوەی هەماهەنگیی هەوڵەکانیانچڕکروەتەوە بۆ لابردنی حەلبوسی و وازهێنانی پەرلەمانتارانی پارتەکەی حەلبوسی
