گواستنەوەی سێ زیندانیی سیاسی کورد بۆ زیندانی سەقز/ پەکخستنی دامودەزگاکانی قەزایی بە دەرکردنی بارمتەی بەرز بۆ ئازادکردنی کاتی سامان پاشایی، خالید عەبدوڵڵا زادە و ئەفخەم مورادیان، سێ هاووڵاتیی دەستبەسەرکراوی خەڵکی سەقز، لە دەستبەسەرگەی ئیتلاعاتی سنە بۆ زیندانی ناوەندیی سەقز گوازرانەوە.
گواستنەوەی سێ زیندانیی سیاسی کورد بۆ زیندانی سەقز/ پەکخستنی دامودەزگاکانی قەزایی بە دەرکردنی بارمتەی بەرز بۆ ئازادکردنی کاتی
سامان پاشایی، خالید عەبدوڵڵا زادە و ئەفخەم مورادیان، سێ هاووڵاتیی دەستبەسەرکراوی خەڵکی سەقز، لە دەستبەسەرگەی ئیتلاعاتی سنە بۆ زیندانی ناوەندیی سەققز گوازرانەوە.
بەپێی ڕاپۆرتی هەنگاو ، بۆ ئازادکردنی سامان پاشایی بەشێوەیەکی کاتی کەفالەتی 49 ملیار تۆمان دیاری کراوە.
پاش تێپەڕینی ٩٠ ڕۆژ و دوو مانگ و ١٨ ڕۆژ و دوو مانگ و سێ ڕۆژ، ئەفخەم مورادیان، سامان پاشایی و خالد عەبدوڵڵازادە لە دەستبەسەرگەی ئیدارەی ئیتلاعاتی تیرۆریستی شاری سنە بۆ زیندانی ناوەندیی شاری سەقز گوازرانەوە.
بەپێی سەرچاوە ئاگادارەکان، لە کاتی چوونە ناو زیندانی ناوەندیی سەققز، شوێنەواری ئەشکەنجەدان لەسەر ئەندامەکانی جەستەی سامان پاشایی، خالد عەبدوڵڵا زادە و ئەفخەم مورادیان بینراوە.
سەرچاوە ئاگادارەکان هەروەها ڕایانگەیاندووە کە سیستەمی قەزایی کۆماری ئیسلامی بۆ ئازادکردنی کاتی سامان پاشایی داوای بارمتەی ٤٩ میلیارد تۆمانی کردووە.
ڕاپۆرتەکان ئاماژە بە گوشاری ئیدارەی ئیتلاعاتی تیرۆریستی سنە دەکەن بۆ وەرگرتنی دانپێدانانی زۆرەملێ لەو هاووڵاتیانە لە ڕێگەی ئەشکەنجەی توندی جەستەیی و دەروونییەوە.
ڕۆژی پێنجشەممە ١ی خاکەلێوەی ئەمساڵ، ئەفخەم مورادیان لە یەکێک لە شەقامەکانی شاری سەقز لە لایەن بەکرێگیراوانی خامنەییەوە دەستبەسەر کرا.
ڕۆژی ١١ی هەمان مانگ، سامان پاشایی لە کاتی گەڕانەوەی لە سنە بۆ زێدی خۆی لە لایەن هێزەکانی ئیتلاعاتی تیرۆریستییەوە دەستبەسەر کرا.
هەروەها خالید عەبدوڵڵا زادە لە ٢٦ی سەرماوەز لە شاری سەقز دەستبەسەر کرا
دواتر ئەو هاووڵاتییانە بۆ دەستبەسەرگەی ئیدارەی ئیتلاعاتی تیرۆریستی لە شاری سنە گوازرانەوە.
