سودانی هێرشکردنە سەر پیرۆزییەکانی بە "ئاماژەیەکی مەترسیدار" وەسف کرد
سەرۆک وەزیرانی عێراق محەمەد شیاع سودانی، لە میانی کۆبونەوەیەکدا لەگەڵ ژمارەیەک باڵیۆز و نوێنەری نوێنەرایەتییە دیپلۆماسییەکانکە لە عێراق کاردەکەن رایگەیاند، حکومەت پرەنسیپی هاوسەنگی لە سیاسەتی دەرەوەی خۆیدا لەگەڵ وڵاتانی ناوچەکە و جیهاندا پەسەنددەکات، ڕەتیدەکاتەوە عێراق ڕابکێشێتە ناو ململانێکانەوە یان ببێتە گۆڕەپانێک بۆ یەکلاکردنەوەی کێشەکان.
نوسینگەی ڕاگەیاندنی سەرۆکی ئەنجومەنی وەزیران لە بەیاننامەیەکدا باسی لەوەکردوە، مەحەمەد شەیاع سودانی ئەمڕۆ دوشەممەپێشوازیکرد لە ژمارەیەک باڵیۆز و نوێنەری نێردە دیبلۆماسییەکانی یەکێتی ئەوروپا و چەند وڵاتێکی دۆست، لە کۆبونەوەکەدا جەختیکردەوەلەوەی کە پێویستە واز لە وتاری پڕ لە کینە و توند بهێنرێت، کە لە سەرئەناجمدا هێرش دەکەنە سەر پیرۆزیی و بیروباوەڕەکانی خەڵک، لەوانەڕوداوی زیادەڕۆیی و هێرشکردنە سەر قورئانی پیرۆز و ئاڵای عێراق.
سودانی هێرشکردنە سەر پیرۆزییەکانی بە "ئاماژەیەکی مەترسیدار" وەسف کرد و وتی، "هەڕەشە لە ئاسایش و ئاشتی کۆمەڵایەتیدەکات، جگە لەوەی کە ئەم جۆرە کارانە هیچ پەیوەندییەکی بە چەمکەکانی ئازادیی ڕادەربڕینەوە نییە، هەروەها داوای لە وڵاتانی یەکێتیئەوروپا کرد ڕۆڵی خۆیان ببینن لە بەرەنگاربونەوەی ئەم کردەوە ڕەگەزپەرستییە و هەمو ئەو کردەوانەی کە هاندەرن بۆ توندوتیژی".
سەرۆک وەزیران جەختیکردەوە کە "حکومەت بەرپرسیارە لە پاراستن و بەدەستهێنانی ئاسایش و سەلامەتی بۆ هەمو نێردە دیپلۆماسییەباوەڕپێکراوەکان لە بەغدا"، و ئاماژەشی بەوەکرد، کە عێراق پابەندە بەو بەرپرسیارێتییەوە کە لە ڕێککەوتنامەی ڤییەنادا هاتوە تایبەت بەڕێکخستنی پەیوەندییە دیپلۆماسییەکان.
هەروەها دوپاتیکردەوە، حکومەت بەردەوامە لە پێشکەشکردنی ئاسانکاری بۆ کارەکانی کۆمپانیا بیانییەکان لە عێراق و پابەندبون بە ڕێکەوتنەهاوبەشە ئابورییەکان لەگەڵ وڵاتانی جیهاندا.
سودانی رونیشیکردەوە، "حکومەت پشت دەبەستێت بە بنەمای هاوسەنگی لە سیاسەتی دەرەوەیدا لەگەڵ وڵاتانی ناوچەکە و جیهاندا و ڕێگەنادات کە عێراق ڕاکێشرێتە نێو ململانێکانەوە یاخود ببێتە گۆڕەپانێک بۆ تۆڵەکردنەوە لە یەکتر، بەڵکو سورە لەوەی کە ڕۆڵی پێشەنگ ببینێت لەناوچەکەدا و ببێتە شوێنێکی یەکگرتن و بنیاتنانی هاوبەش لە ڕێگەی سیاسەتی هاوسەنگیەوە بۆ بەڕێوەبردنی پەیوەندییەکان یان لە ڕێگەیئەو پڕۆژە ستراتیژییانەوە کە بەم دواییانە پێشنیارکران وەک پڕۆژەی ڕێگای پەرەپێدان و پڕۆژەی وزە کە کاردەکات بۆ بەدیهێنانی ئابوریەکیتەواو لە ناوچەکە بە شێوەیەک کە ئاسایش و سەقامگیری هەرێمی و نێودەوڵەتی باشتر و بتەوتر دەکات".
لە راگەیەندراوەکەدا ئەوە هاتوە، باڵیۆز و نوێنەرانی نێردە دیپلۆماسییەکان کە لە عێراق کاردەکەن، سەرکۆنەکردنی وڵاتەکانیان نوێکردەوە بۆتاوانی سوتاندنی قورئانی پیرۆز و پێشوازییان لەو ڕێوشوێنانە کرد کە لە لایەن حکومەت گیراوەتەبەر بۆ پاراستنی نێردە دیپلۆماسییەکان.
