د. روشدی سەعید الجاف دەستگیر کرا
د. روشدی سەعید الجاف دەستگیر کرا
لەلایەن هێزەکانی پۆلیسەوە روشدی سەعید بە تۆمەتی دروستکردنی چەکی بانکیی بێ پارە دەستگیرکرا.
سەرچاوەیەک لە بەڕێوەبەرایەتیی پۆلیسی پارێزگای کەرکوک راگەیاند، رۆژی پێنجشەممە بنکەی پۆلیسی قۆریە روشدی سەعید-ی بازرگانیبە ماددەی 459ی یاسای سزادانی عێراقی و بەتۆمەتی دروستکردنی چەکی بانکیی بێ پارە دەستگیرکردووە.
بەوتەی سەرچاوەکە لەئێستادا روشدی سەعید لە گرتوخانەی گرتن و گواستنەوەی کەرکوکە و ژمارەیەکی زۆر سکاڵای یاسایی لەسەرتۆمارکراوە. روشدی سەعید وەبەرهێنەر و خاوەن کۆمپانیای عادل موتەحیدە بوو، بڕیاربوو پڕۆژەی دەشتی بەهەشت لە رۆژهەڵاتی هەولێردروستبکات.
پڕۆژەکە، کە لە 427 ڤێلا و هەزار و 122 شوققە پێکهاتبوو، لە ساڵی 2010 دەستیپێکرد و پێویست بوو لە ساڵی 2013 تەواوبکرایە، بەڵاموەبەرهێنەر کاره‌‌‌کەی تەواونەکرد و دواتریش کارکردن تیایدا بە بڕیاری حکومەت وەستێندرا.
هەروەک پرۆژەیەکی دیکەی بەناوی سیتی ستار لە دهۆک بە تەواونەکراوی جێهێشت. لە کۆتاییەکانی ساڵی 2016 لەسەر سکاڵای 300 کەس دادگای دهۆک سزای 180 ساڵ زیندانی بەسەر روشدی سەعیددا سەپاند، ئەو بڕیارەش بەپێی ماددەی 456ی یاسای سزایعێراقی دەرکرا کە تایبەتە بە (قۆڵبڕین)ی خەڵک.
روشدی سەعید یەکێکە لە وەبەرهێنەکانی هەرێمی کوردستان کە لە ساڵانی رابردوو لەگەڵ ئیبراهیم تاتڵیساس دەرکەوت و بەڵێنیئاوەدانکردنەوەی هەرێمی کوردستانی دەدا.
