دوو بەرپرسی باڵای یەکێتی لە سپیکردنەوەی ملیارێک دۆلار لە سلێمانی، تێوە گلاون.
بەپێی چەند سەرچاوەیەکی باوەڕپێکراو، دەزگای هەواڵگری عێراق دۆسیەیەکی تایبەتی لەسەر پرسی سپیکردنەوەی بڕی ملیارێک دۆلار لەسلێمانی کردووەتەوە و دۆسییەکە لەلایەن دوو ئەمەریکییەوە سەرپەرشتی دەکرێ، لە لێکۆڵینەوەدا گەیشتوون بەو زانیارییانەی کە دووبەرپرسی باڵای یەکێتی بکەری سەرەکین.
دەزگای هەواڵگری عێراق و وەزارەتی داد نووسراویان ئاراستەی ئەنجوومەنی ئاسایشی هەرێمی کوردستان و دادگای سلێمانی کردووە وئاماژە بەوە دەکەن کە لە بانکێکی ئەهلی لقی سلێمانی، بڕی ملیارێک دۆلار سپی کراوەتەوە و 400 ملیۆنی بۆ ئێران و 600 ملیۆندۆلاریش بۆ دوبەی رۆشتووە.
هەر بەپێی زانیارییەکان، دوو راوێژکاتی ئەو بانکە ئەهلییە و دوو بەرپرسی باڵای یەکێتی ئەو کارەیان کردووە و ئێستە یەکیان هەڵاتووە ویەکیشیان لە سلێمانی داڵدە دراوە.
سەرچاوەکە ئاماژەی بەوەیش کردوە کە بافڵ تاڵەبانی لە رۆژانی رابردوو بۆ ئەو مەبەستە لە بەغداد بووە و لەگەڵ سەرۆکی دادگای باڵا باسیلەو دۆسییە کردووە و داوی لێکردووە بێ دەنگی لەو دۆسییە بکرێت، لە بەرانبەریشدا سەرۆکی ددادگاکە بە بافڵ ی راگەیاندووە کە لیژنەکەلەلایەن ئەمەریکاوە پێکهاتووە و ئەوان دەسەڵاتی پەردەپۆشکردنیان نییە.
ئەمەریکییەکان نایشارنەوە کە توڕەن لەو بێسەرەبەرییەی عێراق و بەتایبەت زۆر چاودێری سلێمانی دەکەن و لەم مانگەدا دووجار شاندیانلەوشارە لەگەڵ یەکێتی کۆبوونەتەوە و هەڕەشەیان کردووە، جیا لەوەی لەرێگەی تیمی شارەزایشەوە چاودێری بازاڕی دراوی سلێمانی دەکەن.
بەهۆی کەمکردنەوەی کاریگەریی سزاکانی ئەمەریکا لەسەر ئێران، واشنتۆن بڕیاری داوە دۆلاری کەمتر رەوانەی عێراق بکات و پێیان وایەئەو پارەیە دەچێتە خزمەتی ئێرانەوە، بەو هۆیەشەوە نرخی دۆلار رۆژانە لە بەرزبوونەوەدایە.
پێشتر چەند میدیایەکی بیانی بڵاویان کردەوە کە ئێران دۆلاری پێویستیی خۆی، لە سلێمانی و شاری هیرتی ئەفغانستان بەدەست دەخات.
سەرچاوەی باوەڕ پێکراو…….
.png){kind=logo}