پەیامێکی توند لە مەکتەبی سیاسی یەکێتیەوە: کەمینیەکی نێو پارتی، حکومەت بۆ کاری هەواڵگری دەوڵەتان و تێکدانی سلێمانی بەکاردێنێت
مەکتەبی سیاسی یەکێتی پەیامێکی توندی لەسەر رووداوەکانی ئەمشەو بڵاوکردەوە و هێرشی توندی کردە سەر حکوومەتی هەرێم
هێرش کردنە سەر فرۆکەخانەی نێو دەوڵەتی سلێمانی ، پیلانێکی پێشوەختە بۆ دارێژراوی مخابەراتی و جاسوسیانەی دەرەکی و ناوخۆییەکە هەروەک چاوساغی هێنانی لەشکری داگیرکەرە بۆ نێو خاکی هەرێمی کوردستان، بۆیە ئەم پەلاماردانە بە توندی ئیدانە دەکەین،
چاوەرێ بووین لایەنی پەیوەندیدار لەبری پاساو هێنانەوەو ڕەویەتیدانی کوێرانە بەم تاوانە ، رێوشوێن و بەدواداچوون و سەرکۆنەی بکردایە،بەڵام وەک پیشەی رابردوییان کەمینیەکی خۆسەپێنی نێو پارتی، کە پەیوەندی ژێر بە ژێر و تایبەتیان هەیە، دەبنە چاوساغ و دام و دەزگاکانیحکومەت بۆ کاری هەواڵگری دەوڵەتان و تێکدانی ئاسایشی هەرێمی کوردستان و پارێزگای سلێمانی بەکاردێنن.
یەکێتیی نیشتمانیی کوردستان، هەمیشە بروای بە یەکێتیی و یەکڕیزی خەڵک و لایەنە سیاسیەکانی کوردستان بووە، هەروەک ئامانجی بووەلەسەر ئاستی بەشەکانی تری کوردستانیش هاوکاری و هەماهەنگی و پەیوەندی دۆستانە هەبێت لەسەر بنەمای پاراستنی بەرژەوەندییەنەتەوەییەکان،
هەروەک دەستدرێژی و هێرشکردنە سەر هەر ناوچە و پارێزگایەکی هەرێمی کوردستان بە تاوان دەزانێت و سەرکۆنەی دەکات، چونکەلەچوارچێوەی دیدی نەتەوەییانەی خۆی هەموو هەرێمی کوردستان بە پیرۆز دەبینێت و لەم پێناوەدا خەباتی نەپساوەی کردووە و خوێنیرشتووە.
روورەشی بۆ دوژمنانی کورد و دەستوپێوەند و چاوساغەکانیان
مەکتەبی سیاسی
یەکێتیی نیشتمانیی کوردستان
ڕووداو ٢٤ سەرچاوەی هەواڵی باوڕپێکراو
ڕووداو٢٤،ڕابردو،ئێستا،داهاتو
.png){kind=logo}