سوپای ڕژێمی ئێران ئۆپەراسیۆنێکی لە ناوچەی ڕاسک لە پارێزگای سیستان و بەلوچستان ئەنجامدا، ڕژێمی ئێران هه‌وڵی دروستکردنی ئاواژه ده‌دات له نێوان نه‌ته‌وه‌کاندا
ئەمە لە بەیاننامەی هێزەکانی قودسی سوپای پاسدارانی ڕژێمدا هاتووە.
بەپێی زانیارییەکان لە ئەنجامی ئۆپراسیۆنەکەدا 4 چەکداری نەتەوەیی بەلوچ کوژراون.
هاوکات باس لەوە کرا کە دەست بەسەر چەک و تەقەمەنی سەر بە گروپە چەکدارەکەدا گیرا و ئۆپەراسیۆنەکانی بێلایەنکردنی چەکدارانی دیکەش بەردەوام بوون.
پێویستە ئاماژە بەوە بکرێت کە لە ئەنجامی ئۆپراسیۆنی هاوبەشی سوپای پاکستان و ئێران لە سیستان و بەلوچستان ١٢ ئەندامی گرووپی چەکداری "جەیش ئەلعەدل" کوژراون و ٤ کەسیش بریندار بوون.
ئەمەش دوای ئەوە دێت کە لە ٢٦ی تشرینی یەکەمدا لە ناوچەی گۆهارکوه لە قەزای تەفتانی سەر بە پارێزگای سیستان و بەلوچستان لە هێرشێکی ئەندامانی گروپی چەکداردا ١٠ ئەفسەری پۆلیس کوژران.
ڕێکخراوی چەکداری "ئەنسار ئەلفورقان"ی نەتەوەیی بەلووچ بەرپرسیارێتی هێرشەکەی لە ئەستۆ گرت.
