ئەو هەڵەیەی کە ڕویداوە لە پێدانی زانیاری بوە لەلایەن فەرمانبەری بەشی ئاماری کۆمپانیای جێبەجێکاری کامێراکان".
بەڕێوەبەرایەتی هاتوچۆی پارێزگای سلێمانی رایگەیاند، "ئەو ئامارەی بڵاوکراوەتەوە کە تەنها لەیەک رۆژدا 285 هەزار سەرپێچی تیژڕەویئۆتۆمبێل لەڕێگەی کامێراکانی پۆینت تو پۆینتەوە تۆمارکراون راست نیە،
ئەو هەڵەیەی کە ڕویداوە لە پێدانی زانیاری بوە لەلایەن فەرمانبەری بەشی ئاماری کۆمپانیای جێبەجێکاری کامێراکان".
ئەمڕۆ سێشەممە، هاتوچۆی پارێزگای سلێمانی لەڕونکردنەوەیەکدا بڵاویکردەوە، "وەک بەرچاوڕونییەک شەوی ڕابردو ئامارێک بڵاوکرایەوە کەگوایە لە ماوەی 24 کاتژمێردا زیاتر لە 385 هەزار سەرپێچی تۆمارکراون، وەک تۆمارکردنی سەرپێچییەکان ئامارەکە دروستە، بەڵاملەماوەی 24 کاتژمێردا نییە بەڵکو لە سەرەتای دەستبەکاربونی کۆمپانیای جێبەجێکاری پڕۆژەکەوە بوە و بەشێوەی تێست بوە".
ئاماژەی بەوەشکردوە، "هیچ کام لەو سەرپێچییانەی کە تۆمار کراون و دەکرێن لەلایەن کامێراکانی چاودێری خێرایی پۆینت تو پۆینت لەڕێگای تاسڵوجە - دوکان هەژمار ناکرێن لەسەر هیچ شۆفێرێک (واتە وەکو سزای دارایی نە لەهیچ شۆفێرێک سەندراوەو وە نە دەسەندرێت) چونکە لە قۆناغی تێستدایە تا کاتژمێر 8:00ی رۆژی دوشەممە 29ی ئەم مانگە هیچ سزایەک لەسەر هیچ شۆفێرێک هەژمار ناکرێت و لەدوای ئەمکاتەوە دەچێتە بواری جێبەجێکردنەوە بە شێوەیەکی کرداری، ئەو شیکارییانەی لەهەندێک پەیج و ماڵپەڕ کراون دورە لە ڕاستییەوە"
ئاشکرایدەکات، ئەو هەڵەیەی کە ڕوویداوە لە پێدانی زانیاری بووە لەلایەن فەرمانبەری بەشی ئاماری کۆمپانیای جێبەجێکاری کامێراکان. واتە ئاماری سەرپێچییەکان تەنها لەماوەی ٢٤ کاتژمێردا نەبووە بەڵک و بە درێژایی تێستی کامێراکان بووە لە ساڵی پارەوە تا ئێستا وهەژمار نەکراوە لەسەر هیچ شۆفێرێک
ئەمەش دوای ئەوە هات کە دوێنی دووشەممە، بەختیار محەمەد، بەڕێوەبەری راگەیاندنی هاتوچۆی سلێمانی رایگەیاند، لە یەکەم رۆژیتاقیکردنەوەی کامێرای خاڵ بۆ خاڵدا، 385 هەزار سەرپێچی لە کامێراکانی نێوان تاسڵوجە و دوکان تۆمار کراوە.
