بەو هیوایە گشت دەزگاو ناوەندەکانی ڕاگەیاندنی کوردی ڕەوتی خەبات و خزمەتیان ئاراستەی سەروەریی یەکجاری گەلەکەیان بکەن
بەو هیوایە گشت دەزگاو ناوەندەکانی ڕاگەیاندنی کوردی ڕەوتی خەبات و خزمەتیان ئاراستەی سەروەریی یەکجاری گەلەکەیان بکەن
یادی ١٢٥ ساڵەی ڕۆژنامەگەری کوردی پیرۆز بێت
ڕووناکبیران و میدیاکاران وچالاکوانانی نەتەوەی
سەدو بیست و پێنج ساڵ پێش نەتەوەی بندەستی ئێمە خاوەنی ڕۆژنامەو بڵاوکراوەی خۆی بووە. واتە ١٢٥ ساڵ پێش یەکەم رۆژنامەیکوردی بە ناسناوی کوردستان لە ٢٢ی٤ی ١٨٩٨ بڵاوکراوەتەوە.
لەو سەدەمەدا ئەگەر تەماشای ئاماری وڵاتان بکەین، لە ١٢٥ساڵ پێش ژمارەی تەواوی وڵاتانی خاوەن دەوڵەتی سەربەخۆ: نەگەیشتووەتە٥٠ ولات، بەلام لە ئێستادا لە سەرەوەی ٢٠ ٠ وڵاتە. ئەوەش باشترین بەڵگەی زیندووە کە نەتەوەی ئێمەی کورد و کوردستانی لە سەدانساڵپێشەوە خۆی بە جیاوازتر لە داگیرکەران و دەوروبەرەکەی زانیوە. خاوەنی دەنگ و میدیای جیاواز بە خۆی بووە.
ڕۆژنامەگەری کوردی سەڕەڕای هەموو ئاستەنگییەکانی سەر ڕێگای چالاکوانانی گەلی کورد لە گشت بەشە داگیرکراوەکان و لە هەمووبوارە جیاوازەکانیشدا، هەرگیر لە وەشاندن نەوەسەتاوە. لە شاخ وشار و لەو پەڕی بێ ئیمکاناتیشدا تا ئێستاش درێژەی هەیە. ئەوەشدیسانەوە نیشانەی زیندوویی نەتەوەیەکی پەلاماردراوە، بەڵام هەمیشە لە هەوڵی خۆڕاگری و ڕۆشنگەریدابووە و هەیە.
لەم ڕۆژە مێژووییەدا : بە ناوی خۆم و گشت هەڤاڵ و هاوبیرانم پیرۆزبایی ئاراستەی گشت ڕۆژنامەنووسانی سەرتاسەری کوردستان دەکەم،بە تایبەت ئەو ڕۆژنامەنووسانەی خۆرهەڵاتی نیشتیمان کە لە ئێستادا لە بەندیخانەکانی حاکمانی فارسی ئێرانی بە تاوانی نووسین لە پێناوماف و ئازادی و سەروەرییەکانی نیشتیمانیاندا بەندکراون.
بەو هیوایە گشت دەزگاو ناوەندەکانی ڕاگەیاندنی کوردی ڕەوتی خەبات و خزمەتیان ئاراستەی سەروەریی یەکجاری گەلەکەیان بکەن، وهاندەری سەرەکی بن بۆ خەبات لە پێناو سەربەخۆیی و ڕزگاری هەمیشەیی نەتەوەکەیان لە بندەستی داگیرکەران
عارف باوەجانی / سەرۆکی پارتی سەربەستیی کوردستان
٢ی بانەمەرێ ٢٧٢٣ ی کوردی / ٢٢ / ٤ /٢٠ ٢٣ ی زاینی.
International News Agency Rudaw24
