ئاسایشی راپەڕین دەستگیرکردنی چوار تۆمەتباری راگەیاند کە هەستاون بە فڕاندن و ئەشکەنجەدانی هاووڵاتییەک
و داوای 95 ههزار دۆلاریان لێکردبوو.
بەڕێوەبەرایەتی ئاسایشی راپەڕین له راگهیهندراوێکدا بڵاویکردەوە،"هەواڵ گەیشتە هێزەکانمان، کە لە رۆژی 14ی کانوونی دووەم، چوارکەس پلانیان داناوە بۆ فڕاندنی هاووڵاتییەکی سنوورەکەمان و دوای ئەوەی فێڵیان لێکردووە، تاوانلێکراویان هێناوە بۆ ناحیەی گاپیڵۆن ولەوێ فڕاندوویانە و ئەشکەنجەیەکی زۆری جەستەییان داوە و داوای بڕی 95 هەزار دۆلاریان لێکردووە".
ئاماژەی بەوەشکرد، "دوای وەرگرتنی زانیاری ورد لەلایەن هێزەکانمانەوە توانرا شوێنی تۆمەتباران بدۆزرێتەوە و تۆمەتباران دەستگیربکرێنو تاوانلێکراو رزگار بکرێت".
ئەوەشى خستەڕو، "لە ئێستادا تۆمەتباران بە بڕیاری دادوەری دادگای لێکۆڵینەوەی رانییە و بەپێی ماددەی 421 لە یاسای سزادانیعێراقی پەڕاوی لێکۆڵینەوەیان بۆ کراوەتەوە و لێکۆڵینەوەکان بەردەوامە"
.png){kind=logo}