کوڕێکی گەنج لەلایەن کچێکەوە بە چەقۆ کوژرا

کوڕێکی گەنج لەلایەن کچێکەوە بە چەقۆ کوژرا

به‌‌‌ڕێوه‌‌‌به‌‌‌رایه‌‌‌تی پۆلیسی ڕاپه‌‌‌ڕین رایگه‌‌‌یاند که‌‌‌ له‌‌‌ بازاڕی

ناحیه‌‌‌ی ژاراوه‌‌‌ کچێک هێرشی‌ کرده‌‌‌ سه‌‌‌ر کوڕێک و به‌‌‌ چه‌‌‌قۆ برینداری‌ کرد و دواتر به‌‌‌هۆی‌ سه‌‌‌ختی‌ برینه‌‌‌که‌‌‌یه‌‌‌وه‌‌‌ گیانی‌ له‌‌‌ده‌‌‌ست دا.

به‌‌‌ڕێوه‌‌‌به‌‌‌رایه‌‌‌تی پۆلیسی ڕاپه‌‌‌ڕین له‌‌‌ راگه‌‌‌یه‌‌‌ندراوێکدا ئاماژه‌‌‌ی‌ به‌‌‌وه‌‌‌دا که‌‌‌ "هێزه‌‌‌کانمان له‌‌‌ بنکه‌‌‌ی پۆلیسی ناحیه‌‌‌ی ژاراوه‌‌‌ی سه‌‌‌ربه‌‌‌قه‌‌‌زای پشده‌‌‌رئاگادار کرانه‌‌‌وه‌‌‌ به‌‌‌ بوونی بریندارێک له‌‌‌ بازاڕی ناحیه‌‌‌ی ژاراوه‌‌‌".

پۆلیس ده‌‌‌ڵێت: "ده‌‌‌ستبه‌‌‌جێ هێزه‌‌‌کانمان گه‌‌‌یشتنه‌‌‌ شوێنی ڕوداوه‌‌‌که‌‌‌ ده‌‌‌رکه‌‌‌وت که‌‌‌سێک به‌‌‌ناوی (م.م.و.) له‌‌‌دایکبووی ساڵی 1988 ڕه‌‌‌گه‌‌‌زی نێرکه‌‌‌ دانیشتوی ژاراوه‌‌‌یه‌‌‌ و له‌‌‌ ڕووی ده‌‌‌روونیه‌‌‌وه‌‌‌ ناته‌‌‌واوه‌‌‌، بریندار بووه‌‌‌ و شوێنه‌‌‌واری برینی چه‌‌‌قۆ به‌‌‌سه‌‌‌ر سنگیه‌‌‌وه‌‌‌ هه‌‌‌یه‌‌‌ و باری ته‌‌‌ندروستیناجێگیره‌‌‌".

ئه‌‌‌وه‌‌‌شی‌ خسته‌‌‌ڕوو که‌‌‌ "ده‌‌‌ستبه‌‌‌جێ ئه‌‌‌و که‌‌‌سه‌‌‌ گه‌‌‌یه‌‌‌ندرایه‌‌‌ نه‌‌‌خۆشخانه‌‌‌ی قه‌‌‌ڵادزێ، به‌‌‌ڵام به‌‌‌هۆی سه‌‌‌ختی برینه‌‌‌که‌‌‌ی گیانی له‌‌‌ده‌‌‌ست دا".

روونیشیکرده‌‌‌وه‌‌‌ که‌‌‌ "دوای گرتنه‌‌‌ به‌‌‌ری ڕێکاری یاسایی و ده‌‌‌ستپێکردنی لێکۆڵینه‌‌‌وه‌‌‌ ده‌‌‌رکه‌‌‌وت که‌‌‌ کچێک به‌‌‌ناوی (د،ع،خ) له‌‌‌دایک بووی ساڵی2006 دانیشتوی ژاراوه‌‌‌ به‌‌‌چه‌‌‌قۆ برینداری کردووه‌‌‌".

پۆلیسی ڕاپه‌‌‌ڕین راشیگه‌‌‌یاند که‌‌‌ "دوای ئه‌‌‌وه‌‌‌ی کچه‌‌‌که‌‌‌ ده‌‌‌ستگیرکرا و لێکۆڵینه‌‌‌وه‌‌‌ی له‌‌‌گه‌‌‌ڵ کرا و له‌‌‌به‌‌‌رده‌‌‌می پۆلیس به‌‌‌ ووته‌‌‌ی خۆی ده‌‌‌ڵێت``کاتێک له‌‌‌ دوکانه‌‌‌که‌‌‌یان که‌‌‌ دوکانی شوشه‌‌‌وات بووه‌‌‌ و له‌‌‌جیاتی باوکی له‌‌‌ دوکان بووه‌‌‌ (م.م.و.) هاتۆته‌‌‌ دووکانه‌‌‌که‌‌‌یان و ویستویه‌‌‌تی ده‌‌‌ستدرێژیبکاته‌‌‌ سه‌‌‌ری، به‌‌‌ڵام مه‌‌‌به‌‌‌ستی به‌‌‌رگری کردن له‌‌‌خۆی به‌‌‌چه‌‌‌قۆ لێی‌ داوه‌‌‌ و به‌‌‌وهۆیه‌‌‌وه‌‌‌ برینداری کردووه‌‌‌".

به‌‌‌ڕێوه‌‌‌به‌‌‌رایه‌‌‌تی پۆلیسی ڕاپه‌‌‌ڕین ئاشکراشیکردووه‌‌‌ که‌‌‌ "دواتر ته‌‌‌رمی (م.م.و.) به‌‌‌ڕێکرا بۆ پزیشکی دادوه‌‌‌ری سلێمانی به‌‌‌مه‌‌‌به‌‌‌ستیئه‌‌‌نجامدانی توێکاری بۆته‌‌‌رمه‌‌‌که‌‌‌ی و زانینی هۆکاری ڕاسته‌‌‌قینه‌‌‌ی مردنه‌‌‌که‌‌‌ی. لێکۆڵینه‌‌‌وه‌‌‌ له‌‌‌ ڕوداوه‌‌‌که‌‌‌ به‌‌‌رده‌‌‌وامه‌‌‌".