ژنێکی کەنەدی لە دوای کڕینی یەکەم بلیتی تیروپشکی ٤٨ ملیۆن دۆلاری بەدەستهێنا
ژنێکی کەنەدی لە دوای کڕینی یەکەم بلیتی تیروپشکی ٤٨ ملیۆن دۆلاری بەدەستهێنا
بەبۆنەی هەژدە ساڵەی لەدایک بوونی، کچێکی کەنەدی بڕیاریدا بۆ یەکەمجار گوێ لە ئامۆژگارییەکانی باپیری بگرێت و بلیتی تیروپشکبکڕێت بۆ ئەوەی "بەختی خۆی تاقیبکاتەوە"، لە کۆتاییدا ٤٨ ملیۆن دۆلاری بەدەستهێنا.
بە بردنەوەی جاکپۆتی. ٤٨ ملیۆن دۆلار، جولیەت لامۆر، خوێندکاری زانکۆی ساولت سانت ماری لە ئۆنتاریۆ، بووە بچووکترین کەس لەکەنەدا کە بڕە پارەیەکی وا زۆر بەدەستبهێنێت.
وە بەپێی هەواڵێکی ماڵپەڕی سکای نیوز، لەکاتی وەرگرتنی خەڵاتەکەیدا، لامۆر ئەو هۆکارانەی باسکردووە کە وای لێکردووە بلیتەکە بکڕێت ودەڵێت: "باپیرم پێی وتم تەمەنم گەیشتووەتە هەژدە ساڵ، بلیتێک بکڕە و بەختی خۆت تاقیبکەرەوە".
وە تەلەفۆنی بۆ باوکی کرد کاتێک گەیشتە دوکانەکە بۆ کڕین، بۆ ئەوەی لێی بپرسێت دەربارەی ڕێکارە پێویستەکان بۆ بەشداریکردن لەتیروپشکەکەدا.
کۆمپانیای تیروپشکی "OLG"ی ئۆنتاریۆ لە کۆتایی هەفتەدا ناسنامەی تاکە براوەی خەڵاتی گەورەی لە تیروپشکەکەدا ڕاگەیاند کە لەسەرەتای مانگی یەکدا ئەنجامدرا، بەڵام لامۆر بەدوای ئەنجامی تیروپشکەکەدا نەدەهات و ئەوە بە بیریدا نەهات لەوانەیە ئەو براوە بێت.
دوای ڕاگەیاندنی ئەنجامەکەی، هاوکارەکانی لامۆر پێیان ڕاگەیاندووە کە بلیتی براوە لە شاری ساولت سانت ماری کڕدراوە و دوای ئەوەییەکێک لە هاوکارەکانی پێشنیاری کردووە کە لە ڕێگەی ئەپڵیکەیشنی "OLG"ژمارەی بلیتەکەی بپشکنێت، سەری سوڕما کە ئەو براوەیە.
لامۆر پسپۆڕی بایۆلۆجییە، و بەنیازە ئەمساڵ درێژە بە خوێندن بدات، لە هەمان کاتدا پلانی گەشتێکی لەگەڵ خێزانەکەی لە هاوینیداهاتوودا هەیە.
کچەکە ڕاوێژ بە باوکی دەکات کە لە بواری پلاندانانی دارایی کاردەکات، بۆ ئەوەی یارمەتی بدات بۆ دۆزینەوەی ڕێگەیەک بۆ وەبەرهێنانیخەڵاتەکەی.
بە ختێکی باشیش بۆ تۆ
ئا: ڕەحیم هەورامی
