بەپەلە.. ‎سەرۆکی هەرێمی کوردستان داوا دەکات، "سنوورێک" بۆ هێرشەکان دابنرێت و بەغدا وەک سەروەری خاکی عێراق لێی بڕوانێت "
نێچیرڤان بارزانی، سەرۆکی هەرێمی کوردستان رایگه‌‌‌یاند، "هیچ بیانوویەک بۆ مووشەکبارانکردن و ناردنی درۆن بۆ هەرێمی کوردستاننابینین"، هەروەها داوا لە بەغدا دەکات "سنوورێک" بۆ هێرشەکان دابنێت.
نێچیرڤان بارزانی، لە رێوڕەسمی راگەیاندنی ئینستیتیوتی داهێنان و نوێگەری لە وتارێکدا سەرکۆنەی هێرشەکانی سنووری کۆیە وزڕگوێزی کرد.
نێچیرڤان بارزانی وتی: "هەرێمی کوردستان دەیەوێت جەخت لەوە بکاتەوە کە دەیەوێت فاکتەری سەقامگیری بێت لە ناوچەکە و دەیەوێتپەیوەندی باشی لەگەڵ هەموو دراوسێکانیدا، لەو چوارچێوەیەشدا دەیەوێت لەگەڵ ئێراندا پەیوەندییەکی باشی هەبێت. ئەوەی ئێمە لەتواناماندا هەبووە کردوومانە و بەردەوامیش دەبین".
وەک سەرۆکی هەرێمی کوردستان دەڵێت: "نابێت هەرێمی کوردستان ببێت بە سەرچاوەیەکی هەڕەشە بۆسەر وڵاتانی دراوسێ، بەڵام لەئەوەشدا ئێمە هیچ بیانوویەک بۆ ئەو مووشەکبارانانە و ناردنی ئەو درۆنانە بۆ کوردستان نابینین".
سەرۆکی هەرێمی کوردستان داوا دەکات، "سنوورێک" بۆ هێرشەکان دابنرێت و بەغدا وەک سەروەری خاکی عێراق لێی بڕوانێت "کە ئەمەبەشێکە لە پێشێلکردنی گەورەی سەروەریی عێراق و بەغدا لەم بابەتەدا بێتە دەنگ و سنوورێک بۆ ئەم پێشێلکارییانە دابنرێت".
