ئەمریکا لەبارەی سوتاندنی قورئانی پیرۆز لە سوید هاتە دەنگ
ئەمریکا لەبارەی سوتاندنی قورئانی پیرۆز لە سوید هاتە دەنگ
نێرد پرایس، وتەبێژی وەزارەتی دەرەوەی ئەمەریکا لە کۆنفرانسێکی رۆژنامەوانیدا سەبارەت بە سوتاندنی قورئانی پیرۆز لە سوید رایگەیاند،کەسێک کە رەنگە هاندرابێت هەوڵیداوە کێشە بۆ گفتوگۆکانی بەئەندامبوونی سوید لە ناتۆ دروستبکات.
وتەبێژی وەزارەتی دەرەوەی ئەمەریکا باسی لەوەش کرد، کە سوید و فینلاند ئامادەن ببن بە ئەندام لە ناتۆ بەهۆی توانای سوپاکانیان وهەروەها ئەو پەیوەندییە دوورودرێژەی لەبواری ئاسایش هەمانە لەگەڵیان کە دەگەڕێتەوە بۆ چەند دەیەیەک لەمەوبەر.
لەبارەی سوتاندنی قورئان لەلایەن سیاسەتمەدارێکی راستڕەوی سویدی، نێد پرایس وتی "کەسێک کە لەوانەیە کە هاندرابێت، هەوڵیداوەناکۆکی بخاتە نێوان دوو هاوپەیمانی نزیکی ئێمە کە تورکیا و سویدن، بۆئەوەی کاریگەری لەسەر گفتوگۆکانی بە ئەندامبوونی سوید لە ناتۆبکات".
رۆژی 21ـی کانوونی دووەم، راسموس پالودان سیاسەتمەداری راستڕەوی توندڕەو، لەبەردەم باڵیۆزخانەی تورکیا لە پایتەختی سوید، ئاگریلە کۆپییەکی (قورئان) کتێبی پیرۆزی موسڵمانان بەردا.
