بارزانی لەبارەی روداوی هێرشکردنە سەر چەند هاووڵاتیی هەرێمی کوردستان لە پارێزگای مێردینی تورکیا هاتە دەنگ و رایگەیاند،

بارزانی لەبارەی روداوی هێرشکردنە سەر چەند هاووڵاتیی هەرێمی کوردستان لە پارێزگای مێردینی تورکیا هاتە دەنگ و رایگەیاند، "

دڵنیام حکوومەتی هەرێمی کوردستان لەگەڵ لایەنە پەیوەندیدارەکانی تورکیا هەوڵی جددی و تەواوی خۆی دەدات بۆ ئەوەی ڕاستییەکانی ئەوڕووداوە ئاشکرا بکرێن و ئەنجامدەرانی ئەو تاوانە بدۆزرێنەوە و بە سزای خۆیان بگەن"

شەوی رابردوو (18/19ـی کانوونی دووەم) لەسەر رێگەی نسێبین-ی سەر بە پارێزگای مێردین لە باکووری کوردستان هێرشی چەکداریکرایە سەر ژمارەیەک هاووڵاتی دانیشتووی دهۆک، لە ئەنجامدا چوار کەس گیانیان لەدەستدا و کەسێکی دیکەش بریندارە.

دەقی پەیامەکەی بارزانی:

پەیامێک لە سەرۆک بارزانییەوە
بەناوی خودای مەزن و دلۆڤان
بە ڕووداوی هێرشکردنە سەر چەند هاووڵاتیی هەرێمی کوردستان لە پارێزگای مێردینی تورکیا زۆر خەمبارم. سەرەخۆشی لە خانەوادە وکەسوکاری قوربانیانی ئەو پەلامارە دەکەم و خۆم بە هاوبەشی خەمیان دەزانم.

لەوە دڵنیام حکوومەتی هەرێمی کوردستان لەگەڵ لایەنە پەیوەندیدارەکانی تورکیا هەوڵی جددی و تەواوی خۆی دەدات بۆ ئەوەیڕاستییەکانی ئەو ڕووداوە ئاشکرا بکرێن و ئەنجامدەرانی ئەو تاوانە بدۆزرێنەوە و بە سزای خۆیان بگەن.
مسعود بارزانی
19ی کانوونی دووەمی 2023