بەپەلە.. مەسعود بارزانی و برێت مەکگۆرک کۆبوونەوە
بەپەلە.. مەسعود بارزانی و برێت مەکگۆرک کۆبوونەوە
دەقی ڕاگەیەندراوی بارەگای بارزانی:
سەرۆک بارزانی پێشوازی لە شاندێکی باڵای ئەمەریکا دەکات
ڕۆژی سێشەممە 17ی کانوونی دووەمی 2023 لە سەلاحەددین سەرۆک مەسعود بارزانی پێشوازی لە شاندێکی باڵای ئەمەریکا کرد کەپێکهاتبوو لە: بەڕێز برێت مەکگێرک ڕێکخەری کۆشکی سپی بۆ کاروباری ئاسایشی ڕۆژهەڵاتی ناوەڕاست و باکووری ئەفریقا و بەڕێزئامۆس هۆکشتین ڕێکخەری تایبەتی سەرۆکایەتیی بۆ ژێرخانی جیهانی و ئاسایشی وزە و خاتوو ئالینا ڕۆمانۆسکی باڵیۆزی ئەمەریکا لەعێراق و ژمارەیەک ڕاوێژکاری وەزارەتی دەرەوەی ئەمەریکا.
لە دیدارەکەدا بارودۆخی سیاسیی عێراق و پەیوەندییەکانی نێوان هەرێم و بەغدا تاوتوێ کرا و جەخت لە پێویستیی چارەسەرکردنیگرفتەکانی نێوان هەرێم و بەغدا و، بایەخی ڕۆڵی عێراق و هەرێمی کوردستان لە تێپەڕاندنی ئاستەنگەکانی بەردەم وزە لە ئاستی جیهانیداکرایەوە.
بارودۆخی هەرێمی کوردستان تەوەرێکی تری ئەو کۆبوونەوەیە بوو و تێیدا سەرۆک بارزانی ئەوەی دووپات کردەوە کە پێویستە ئەمساڵ لەهەرێمی کوردستان هەڵبژاردنێکی پاک و بێگەرد بەڕێوە بچێت و هیچ بیانوویەکیش بۆ دواخستنی هەڵبژاردن قبووڵ ناکرێت. سەرۆک بارزانیئەوەشی خستەڕوو کە خوازیاری ئەوەیە لەپێناو تێپەڕاندنی تەحەددیاتەکان و پاڵپشتیکردنی حکوومەتی هەرێم، کۆبوونەوە و هەماهەنگیینێوان لایەنە سیاسییەکان بەردەوام بێت. پەیوەست بە چاکسازییەکانی هێزی پێشمەرگەی کوردستانیش سەرۆک بارزانی پشتیوانیی خۆی بۆبەردەوامیی ئەو چاکسازییانە دووپات کردەوە.
بارودۆخی سیاسیی ناوچەکە و هەڕەشەکانی تیرۆر تەوەرێکی تری ئەو کۆبوونەوەیە بوون و شاندی میوان جەختی لە بایەخی ئاساییش وسەقامگیریی لە عێراق و هەرێمی کوردستان کردەوە.
