ئێران تاوانی جەنگی لە ئۆکرانیا ئەنجام داوە
ئێران تاوانی جەنگی لە ئۆکرانیا
ئەنجام داوە
جەیک سولیڤان راوێژکاری ئسایشی ئەمریکا لە کۆنفڕانسێکی رۆژنامەنووسیدا ئاماژەی بەوەدا، ئەو فڕۆکە جەنگیانەی روسیا لە ئێرانیکڕیوە لە بۆردوومانکردنی هاوڵاتیانی سڤیلدا بەکاریهێناوە و ئێران تێوەگلاوە لە ئەنجامدانی تاوانی جەنگ لە ئۆکرانیا. ئەوەشی خستەڕوو، فڕۆکەکانی ئێران لە بۆردوومانکردنی ژێرخانیئەو شارانەدا بەکار دێت کە هەوڵی داخستنیان دەدرێت بۆ پاراستنی هاوڵاتیانی لە سەرمای زستان و دەشڵێت، "ئێران لە چاوی ئەمریکاداهاوکارێکی فراوانکردنی جەنگی روسیا و ئۆکرانیایە."
لەبارەی رێککەوتنی ئەتۆمی ئێرانیشەوە باسی لەوەکرد، رێککەوتنی ئەتۆمی ئێران چیتر لە پێشینەی کارەکانی ئەمریکا نییە و لە ئێستادا لەدۆخێکی چەقبەستوودایە بەڵام دیبلۆماسییەتی ئەمریکا نەگۆڕاوە و رەتی دەکاتەوە رازی بێت ئێران چەکی ئەتۆمی هەبێت.
ئەمەش لە دوای ئەوەدێت، لە سەرەتای ئەم هەفتەیە ئەمریکا سزای ئابووری بەسەر حەوت کۆمپانیای و کەسایەتی ئێراندا سەپاند کە دەستیانهەبووە لە گەیاندنی فڕۆکەی جەنگی بە روسیا.
