نووسینگه‌ی محهمهد شیاعی سوودانی، سه‌رۆک وه‌زیرانی عێراق گه‌‌ڕاندنه‌وه‌ی کاروانێکی تری پاره دزراوه‌کانی بانکی رافیده‌ینی عێراقیراگه‌یاند.
نووسینگەی محهمهد شیاع سوودانی، سەرۆکوەزیرانی عێراق، لە راگەیەندراوێکدا گه‌‌‌ڕاندنەوەی وەجبەی دووەمی پاره دزراوه‌‌‌که‌‌‌ی بانکیرافیده‌‌‌ینی راگه‌‌‌یاند، کە بڕی 134 ملیار و 455 ملیۆن و 600 هەزار دینار بووه.
به‌‌‌پێی راگه‌‌‌یه‌‌‌ندراوه‌‌‌که، "کۆی ئەو بڕە پارەیەی کە وەرگیراوەتەوە دەبێتە 317 ملیار و 35 ملیۆن و 536 هەزار و 525 دینار".
لە ڕاگەیەندراوەکەدا هاتووە: "ئۆپەراسیۆنەکانی وەرگرتنەوەی پارە و بەدواداچوون بۆ داواکراوان بەردەوامە لەژێر چاودێری راستەوخۆیسەرۆکی حکومەت، لە جێبەجێکردنی بەرنامەی حکومەت کە بەرەنگاربوونەوەی گەندەڵی دەخاتە پێشەنگی ئەولەویەتەکانەوە".
پێشتریش دەستەی دەستپاکی عێراق رایگەیاندبوو، لێکۆڵینەوە لەسەر دیار نەمانی سێ ترلیۆن و 700 ملیار دیناری عێراق دەکرێت و ئەوبڕە پارەیەش تایبەتە بە خەزێنەی دەوڵەت.
