‎‎هاوپەیمانى نێودەوڵەتى بە سەرۆکایەتى ئەمریکا، هاوکاریی سەربازیی گەورەى لە هەرێمى کوردستانەوە گەیاندووەتە ناوچەکانى باکور و باکورى رۆژهەڵاتى سوریا (رۆژئاڤاى کوردستان).
روانگەى سورى بۆ مافەکانى مرۆڤ بڵاویکردەوە، ئەمڕۆ هاوپەیمانى نێودەوڵەتى بە سەرۆکایەتى ئەمریکا، هاوکاریی سەربازیی گەورەى لە هەرێمى کوردستانەوە گەیاندووەتە ناوچەکانى باکور و باکورى رۆژهەڵاتى سوریا (رۆژئاڤاى کوردستان).
روانگەکە لە راگەیەندراوێکدا ئاماژەى بەوەشداوە، هاوکارییە سەربازییەکان لە نزیکەى 100 بارهەڵگر پێکهاتبوون و لە رێگەى دەروازەى ئەلوەلیدەوە، هەرێمى کوردستانیان بەرەو دوو بنکەى سەربازیی ئەمریکا لە باشورى حەسەکە بەجێهێشتووە.
روانگەى سورى دەشڵێت، ئەمە شەشەم کاروانى سەربازییە کە لەم مانگەدا لەلایەن هاوپەیمانى نێودەوڵەتییەوە دەگەیەندرێتە باکور و باکورى رۆژهەڵاتى سوریا کە هاوکاتە لەگەڵ بۆردومانەکانى تورکیا و هەڕەشەکانى بۆ ئەنجامدانى هێرشى زەمینى.
