دیمانەی تۆڕی میدیای ڕووداو ٢٤ له‌گه‌ڵ سه‌رپه‌شتیاری گشتی بزووتنه‌وه‌ی ئاینده‌ی کوردستان کردووه.
دیمانەی تۆڕی میدیای ڕووداو ٢٤
لەگەڵ “ماد كوردستانی “
سەرپەرشتیاری گشتی
بزوتنەوەی ئایندەی كوردستان
پاش ڕاگەیاندنی بزەتنەوەی ئایندە وەكو ڕێكخراوێكی سیاسی نیزامی و دەنگدانەوەی بە پێویستمان زانیدیمانەیەكی كورت و پوخت لەگەڵ سەرپەرشتیاری گشتی ئەو بزووتنەوەیە ( ماد كوردستانی ) ئەنجامبدەین و باس لە دامەزراندن و كاری سیاسی و پلاتفۆڕمی داهاتووی ئەو بزووتنەوەیە بكەین ، كە بەماوەیەكی كەم دەنگدانەوەیەكی خێرای هەبوو .
ڕووداو 24 : ئامانجتان لە دروستكردنی بزوتنەوەی ئایندە چیە و بۆچی كاردەكەن ئایا پێویست بوو ئێوەئەم بزووتنەوەیە ڕا بگەیەنن ؟
ماد : دەرئەنجامی هەست كردنمان بە كەلێنێكی فراوان و بۆشاییەكی زۆر لە نێو بزووتنەوەی ڕزگاریخوازی كورد لە ڕۆژهەڵاتی كوردستان و بێتوانایی لە ئاراستە كردنی خواست و مافەكانمان لە هێڵكیگشتی ستراتیژیدا ،وە ئەوكلتووری نەگونجان و لێكترازانە كە بوەتە هۆی ئەوەی سیاساتێكیشكستخواردوو لە كاری ڕێكخراوەیدا پیشانی دەووروبەر بدەن ئەمەش بووەتە هۆی زۆرتر لاوازكردنیئیرادەو بێ هیوا كردنی خەڵك لەوەی لە جەنگێكی بێ بەرانبەرداین كە نەیارەكەمان بەهێزتردەردەكەوێت لە كاتێكدا نەیارەكەمان سیما وڕوخسارێكی ناشیرین و بێزراوی ناوخۆیی و دەرەوەی هەیەو لەوەتەی هەیە دەورەدراوە و گەمارۆی لە سەرە و بە ڕژێمێكی داخراوو كۆنەپەرست و تیرۆریست ناسراوە . هاوكات وە تا ئێستا نەتوانراوە هێزێكی جدی لە گۆڕەپانەكەدا بەرجەستە ببێت و ئەو هێزولایەنانەی كەئامادەییان هەیە لاوازو ناكاریگەرن . بۆیە بە پێویستمان زانی كە بزووتنەوەیەكی فراوانی دەنگوڕەنگیچین و توێژەكانی خەڵكی كوردستان ڕابگەیەنین و پلان و تاكتیكی خواستە نەتەوەییەكانمانی تیایدا بەرجەستە بكەین تاكتیك و ستراتیژیەتی سیاسی بۆ گەیشتن بە ئامانجەكانمان بگۆڕین . پێویست بووبزووتنەوەیەكی وا كە لە دنیای مۆدێرندا ، لەگەڵ گۆڕانكاریەكانی ناوچەكەو جیهان هەنگاو بنێ . دۆست وپشتیوان بۆ دۆزی ڕەوای نەتەوەكەمان دروست بكەین . دەرفەتەكان لە مێژووماندا زۆربوون و بە هۆیدووبەرەكی و جاش و خۆفرۆش و كەمتەرخەمی و پاوانخوازی سیستەمی خێڵەكی و دەرەبەگی یەوە لەدەستمان داون و نامانەوێت جارێكی تر ئەو شكستانە بە سەر گەلەكەماندا بێتەوە .
ڕووداو 24 : چۆن دەڕواننە دۆخی ئێستای ئێران و ڕۆژهەڵاتی كوردستان كە ئێستا ڕژێمی كۆماریئیسلامی لە جەنگ دایە لەگەڵ ئیسرائیل ، پێتان وایە جەنگەكە یەكلا كەرەوەیە یان تەنیا ئامانج لێی لەناوبردنی شوێنە ئەتۆمیەكانی ئێرانە ؟
ماد: بە درێژایی هاتنە سەركاری ڕژێمی ئاخوندی و ئایینی ئێران دۆخی دەرەوە و ناو خۆی هیچ باشنەبووە و هەمیشە گەمارۆی دەرەوەی لە سەر بووە و هاوڵاتیانیشی لە قەیرانێكی قوڵی گوزەران و بارودۆخی ناهەمواری ژیاندا بوون و ئازاد نەبوون لە ماف و كەسیەتیاندا ، ئەوەش هۆكارەكەی سیاسەتیپیلانگێڕی و دژە مرۆیی ئەو ڕژێمە بووە بەرانبەر بە گەلە ژێر دەستەكانی ، بۆیە لە كاتی دەست بەكاربوونیەوە سیاسەتی ناوخۆی ئەم ڕژێمە برسی كردن و سەركوت كردنی خەڵكەكەی بووە و سەروەت وسامانی وڵاتەكەی لە كاری پیلانگێڕی و پەلهاویشتن بۆ دروستكردنی كەوانەیەكی ئایینی شیعی گەریدابووە بۆ پاراستن و مانەوەی واتا ناكۆكی و شەڕ لە خۆی دوور بخاتەوە و شەڕ بەبریكارەكانی بكات ، ئەمڕژێمە ساڵانە پارەیەكی زۆر بۆ میلیشیاو چەكدارو گروپی سەر بەخۆی خەرج دەكات زۆرینەی خەڵكیش لەژێر هێڵی هەژاریەوەن . بۆیە ئیتر دۆخەكە گۆڕاوە و پرۆژەی گۆڕانی خۆرهەڵات بە ڕێوەیەو چیتر نا بێت لە سۆنگەی باكگراوندی مێژووی نە گۆڕەوە هەڵسەنگاندن بۆ ئەو دۆخە ئاڵۆزە بكەین ، چوونكە ئیسرائیلپرۆژەیەكی گۆڕانكاری هەیە بۆ خۆرهەڵاتی ناوەڕاست و فراوانكردنی دەوڵەتەكەیی و دوورخستنەوەیمەترسی لەسەر خۆی ، وە دەیەوێت ئەو نەخشەیە جێبەجێ بكات بۆیە دەسەڵاتی ڕژێمی ئیسلامی لەئاوابووندایەو ئێستاش دەرفەتێكی باش لە بەردەستدایە بۆ بە دەست هێنانی مافەكانمان .
ڕووداو 24 : ڕاو بۆ چوونتان لە سەر حزب و لایەنەكانی ڕۆژهەڵاتی كوردستان ئەوان لە كوێی ئاستیپێویستی خەبات و تێكۆشانی ڕەوادا بوون ؟
ماد : ئێمە ئەو دۆخەمان لە بەرچاو گرتوە كە ئەوان مەودای كاری نیزامی و سیاسیان داخراوە بە هۆیحكومڕانی لە باشوری كوردستاندا ، بەڵام ئەمە ئەوە ناگەیەنێت ئیتر بەسەركزی لە كەمپێكدا دابنیشیت . هەمیشە مێژوومان دووبارە دەێتەوە ، بە درێژایی سەدەی ڕابردوو ئێمە باجی فرە كوێخایی و گەڕە لاوژێفرەیی دەدەین ، مەیدانەكەمان بۆ نەیارو داگیركارەكانمان جێهێشتوە و سەرقاڵی گرفت و كێشەوناتەبایی خۆمانین و كۆمەڵگەشمان كردووەتە قوربانی ئەو گرفت و ناكۆكیانە ، مێژووی دووروو نزیكیكۆمەڵگە كەمان ِپڕە لە ئەو ناكۆكی و دوو بەرەكیە ، لە شەڕی چاڵدێرانەوە كورد وەكو نەتەوە و وەكو خاكدابەش بوو بە سەر دوو ئیمپراتۆریەتی عوسمانی و سەفەویدا لەو كاتەوە داگیر كەرانی كوردستان بەڕێگەی جیاجیای ئاینی و سیاسی و فێڵ و تەڵەكەو لە خشتە بردن تا ئەمڕۆكە ئەو دووبەرەكی وناتەباییانەیان لە دەمارو خوێنی كورد دا چاندووە و ئێستاش بەردەوامی هەیە ، سەبارەت بە حزب ولایەنە سیاسیەكانیش ، پاشەكشەی بەرچاویان كردووە و سەرقاڵی بڕینەوەی یەكن ، كەچی دەیانەوێت مێژوویەكی بێشانازی بە خەڵك بفرۆشنەوە ، هەریەكەیان بوونەتە چەندین پارچە ، كۆمەڵە لەگەڵكۆمەڵەكەی تر كۆدەبێتەوە و ئەو كۆمەڵەكەی تریش لەگەڵ ئەم كۆمەڵكەی تر كۆدەبێتەوە و دواتركۆمەڵەیەكیان لەگەڵ یەكێك لە دیموكراتە كان كۆدەبێتەوە و ئەو دیموكراتەكەی تریش لەگەڵ ئەمكۆمەڵەوی تر كۆدەبێتەوە و لە ئاكامدا هەموویان كە لە بناغەدا یەك شتن لەگەڵ یەك كۆدەبنەوەبەرەیەك بە یەكەوە ڕادەگەیەنن لەهەمان كاتدا ئەو سیاسەتە چەوتەیە كە خۆیانی لە سەر ڕێك ناكەون . سیاست كردن بە ئەقڵیەتی شاخ و ئەو شێوازە تەقلیدیەی سیاسەت كە هەر خۆم كوێخام ناتوانێبەرگەی سەنتڕاڵی دیموكراسی و گۆڕانكاریە خێراكان بگرێت ، دنیای سەردەم دەنگو ڕەنگی نوێی دەوێت , ئەمانە لە سیستەمێكدان زۆر كۆن ڕەنگە لە سەردەمی فیوداڵیدا بژین بۆیە ئاپدەیت ناكرێنەوە و لەكەمپەكاندا خەریكی بەگژیەكدا چوونەوەن . لە چەند ڕۆژی ڕابردوو حەوت حزب بەرەیەكیان ڕاگەیاندووە ، بۆ ئێمە جێگای دڵخۆشی بوو كەچی تەماشادەكەم ئەم حەوت حزبە كۆمەڵەودیموكراتەكەی سەرەتان ئێستا بوونەتە حەوت حزب ، جێگای نیگەرانی بوو ، ئەوان ناتوانن خۆیانلەدەوری مێزێك كۆبكەنەوە كەچی دەیانەوێت هەموو چین و توێژێكی كوردستان لە دەوری ئایدیایەككۆبكەنەوە .
من هیچ خۆزگە بەوە ناخوازم و دڵخۆش نیم بەو دۆخە ئەركی كۆمەڵگەیان قورستر كردووە ، نیگەرانمدرزێكی وا گەورە لە نێو ڕیزی خەباتی ڕزگاری خوازی گەلەكەماندا دەبینم . بۆیە ئێمە دەست بەكاربووین . تا ئەو درزە زەقە پڕ بكەینەوە و خەباتەكەمان بخەینەوە سەر ڕێچكە ئەسڵیەكەی خۆی و بەرەو نەیارانمانئاراستەی بكەینەوە .
ڕووداو 24 : ئێوە لە سەر بنەمای چی ئایدۆلۆژیەك كار دەكەن و چی سیستەمێكتان لا پەسەندەو كار بۆچی جۆرە حكومڕانیەك دەكەن هاوسەنگی نێوان ئێوەو كۆمەڵگە ڕابگرێت ؟
ماد :لە سەر بنەمای ستراتیجیەتی مافی چارەی خۆ نوسین بۆ كوردستان و فیدراڵەیەتی دیموكراتیك بۆدەوڵەتی ناوەندی ، كە بە تەواوی مانا كار بۆ سیكولاریزم لە كوردستان دەكەین و ئایدیای سۆسیالیزمیش بۆ داهاتوی كوردستان بە پەسەند دەزانین ، چوونكە لیبرالیزمیش كە پرۆپاگندەی دیموكراسی و بەجیهانی بوون و مافی گەلانی دەكرد ناتوانێت. وەڵامدەرەوە بێت بە خواستەكانی گەلان و مرۆڤایەتیچوونكە لیبرالیزمی نوێ بریتی یە لە سیستەمی كاپیتالیزمی جیهانی دوو ئاراستەی هەیە یەكیان كار لەسەر بە كاڵا كردنی ئینسان بە ناوی ئازادیەوە دەكات ، بەڵام لە ڕاستیدا ئەوە سیستەمی بەرەڵایی ڕەهایەو دووەمیان بە ناوی بازاڕی ئازاد جیاوازی چینایەتی دەگەیەنێتە ئاسمان و لە لایەك كەرامەت بە مرۆڤو مرۆڤایەتیەوە ناهێڵت تەنیا كەڵكەڵەی كۆكردنەوەی سامانیەتی ، هەردوو گەورە بیرمەندی لیبرالیزمفۆكۆ و سامۆئیل كە لە دوای جەنگی سارد نوقڵانەی كۆتایی مێژوو و پێكدادانی شارستانیەتەكانیان لێدەدادواتر دانیان بەوەدا نا كە لیبرالیزم نەك توانای بە ڕێوەبردنی كۆمەڵگەو دەوڵەتی نیە بەڵكو كارەساتیمرۆڤایەتیشی خولقاندووە .بۆیە ئێمە كار بۆ یەكسانی و دادپەروەری و دەكەین و دروست دەمانەوێهەموو سێكتەرەكانی كۆمەڵگەی كوردی بخەینەوە جێگای ڕاستەقینەی خۆیان ، بە نموونە پێویست نیەئایین خۆی لە كارو باری كۆمەڵگەو سیاسەت و حكومڕانی هەڵبقورتێنێ بۆیە دەبێت بگەڕێتەوە شوێنیدروستی خۆی ،ڕێگە بە هیچ كەس و لایەنێك نادەین بە ناوی هەر ئایدۆلۆژیایەكەوە بێت و بە ناویكۆمەڵگەوە قسەباكات و بیەوێ هەژموونی خۆی بسەپێنێ. ئێمە كار دەكەین بۆ ڕێكخستنەوەی كۆمەڵگەلە سەرستراتیجەیەتێكی نوێی شارستانی و پێشكەوتوو، ئەركەكان دابەش دەبێتەوە بەسەر چینەكانیكۆمەڵگەدا جیاوازیە چینایەتیەكان ناهێڵین، باوەڕمان بە دیموكراسی ڕاستەو خۆ هەیە بۆ حوكمڕانیەكیخۆماڵی ڕاستەو خۆ و هیچكات لەگەڵ دانانی پەرلەمان دا نین كە دەبێتە جێگایەكی دابەستە وچەندساڵێك جارێك هەڵبژاردنێكی نوێنەری نا ڕاستەو خۆ وەك ئەوەی لە باشوری كوردستاندا دەی بینین ونامانەوێت ئەو ئەزموونە شكستخواردوانە دووبارە بكەینەوە ئێمە دامەزراوەی یاسادانانی سەربەخۆدادوەری سەربەخۆ و جێبەجێ كردنی سەربەخۆ پەسەند دەكەین .
ڕووداو 24 : دەڵێیت دەمانەوێ كۆمەڵگە ڕێك بخەینەوە و بێدەنگ نەبین لە بابەتە چارەنوس سازەكان وپێشنیاری خۆبەڕێوەبەری دیموكراتی ڕاستەو خۆ دەكەیت ؟ چۆن سیستەمێك پەیڕەو دەكەن و دەتانەوێ چۆن كۆمەڵگەیەك بنیاد بنێن ؟
ماد : پێش هەموو شتێ دەمانەوێت تاك لە نێو كۆمەڵگەدا پەروەردەبكەین تاكی بە هێز و بە ئیرادە، دواتر،كۆمەڵگەیەكی تەندروست و پێشكەوتوو ، جیاكردنەوەی توێژەكان لە یەكتری لە كایەكانی ناو كۆمەڵگەداپیشەوەر جوتیار كاسب كار و بازرگان و مامۆستاو هەموو تویژەكانی تركە ئەمە لە دەستووری كاریڕێكخراوەییماندا بە ڕوونی ئاماژەمان پێداوە. كۆمەڵگە بە ئاراستەی ڕەفاهیەت و خۆشگوزەرانی و دابینكردنی پێداویستیەكانیان و كار ئاسانی كردن بۆیان ڕێنمایی دەكەین . هەموو تاكێكی ئەو كۆمەڵگەیە بەبەرپرسیار دەزانین لە بەرانبەر ئەركو مافیدا ، ڕێگە بە مشە خۆرو هەلپەرست نادەین ، ئێمە كۆمەڵگە بەسیستەم دەكەین و دامەزراوەی تەواو یاسایی دادەمەزرێنین .خۆبەڕێوەبەری بە سیستەمكراو سەروەرییاساو سەربەخۆیی دادگاكان ، دامەزراوەی نیشتیمانی و ئەكادیمایی ستراتیجی و توێژینەوە ، سوپایینیشتیمانی و گرنگیدان بە مەشقی سەردەمیانەو تەكنۆلۆژیای سەربازی ، ڕێگە بە میلیشیاو چەكدارینانیزامی نادەین . هەموو ئەمانە تاكتیك و ستراتیجی بەرنامەی كاری ئێمەیە ، وە لێپێچینەوە لە هەمو ئەوكەس و لایەن و خۆفرۆش و سیخوڕانە دەكەین كە چاو ساغی دووژمن و داگیركەر بوون و دەیان خەینەبەردەم دادگای گەل و بە سزای شیاوی خۆیان دەگەیەنین و ئەزموونی لێخۆش بوون دووبارە ناكەینەوەبناغەی حكومڕانیەكەمان لە سەر بنەمای كوردی ڕەسەن و دەوڵەتی ڕسەنی مێژوویی ماد كە شانازیڕابردوو ئێستاو داهاتومانە دادەمەزرێنین . وە ئاگاداری و زانیاری تەواومان لە سەر هەموو جووڵەیەكیناوچە كە بە گشتی هەیەو چاودێری وردی ئەو دۆسێیانە دەكەین . پێویستە هەموان پشتیوان بن كەبەرنامەی داڕشتنەوەی كوردبوونێكی ڕەسەن و شارستانیمان هەیە ، ئەمە ئەو كارانەیە كە ئێمە لە ئێستاوداهاتودا دەمانەوێت بیكەین .
دیمانەی تۆڕی میدیای ڕووداو ٢٤
لەگەڵ “ماد كوردستانی “
٦/٧/٢٠٢٥
