ئاژانسی هەواڵی نێودەوڵەتی (رووداو 24)
ڕووداو٢٤،ڕابردوو،ئێستا،داهاتوو
         

مەسرور بارزانی ، مۆدێلێکى نوێى سیاسەت و حوکمڕانى

مەسرور بارزانی ، مۆدێلێکى نوێى سیاسەت و حوکمڕانى
سالار تەحسین سەیدۆ دری

ئێمە لەناو هەرێمێکى بچووک لە رۆژهەڵاتێکى ناوەڕاستی هەزار رەنگى پڕ قەیران و هەڕەشەدا دەژین

 لە کوردەواریدا دەربڕینێکى باو هەیە کە دەڵێن "کاڵا بە قەت باڵایە "Ø› ئەمە لە حاڵەتێکدا دەگوترێ، ئەگەر کەسێک، پۆشاکێکى گونجاو لەبەر بکات و بە باشترین شێوە لێى بێتەوە و لەگەڵى بگونجێت، یان پۆستێکى شیاوى پێ بدرێت و بە هەمان شێوە بە نایابترین شێوە رایپەرێنێ و لە ئاستی گەورەییدا بێتەوە، یان ئەوەتا وەسفێک و وشەیەک دەردەبڕی بەرامبەر بە کەسێک، کە لەوپەڕى گونجاویدا نیشاندەرى هەموو توانا و بلیمەتی و لێهاتووییەکانی بێت.
لە نووسین و دەربڕیندا، زۆرجار لە پاش ناوی کەسایەتییە داهێنەرەکان، ئەوانەى کە کاریگەرییان لەسەر رەوتى کار و بیرکردنەوە و ژیانى مرۆڤەکان داناوە یان دادەنێن (ئیتر هەریەکەو بە ئاست و پێوانەى ژینگەى خۆى)، بۆیە بەرێز "مەسرور بارزانی" سەرۆکی حکومەتی هەرێمی کوردستان، خاوەنى فکر و چوارچێوەیەکى بەرنامەبۆداڕێژراو، داهێنەر، ئامانجدار و بیرکردنەوەیەکى مەزنی هەیە، کە دەتوانێ موعجیزە ئاسا، کاریگەرى لەسەر ژیانى مرۆڤەکان و جۆرى روانینیان بۆ ژیان و چۆنیەتى ئەنجامدانى کردەوەکانیان هەبێت.

ئێمە لەناو هەرێمێکى بچووک لە رۆژهەڵاتێکى ناوەڕاستی هەزار رەنگى پڕ قەیران و هەڕەشەدا دەژین. لەم هەرێمەدا و بەتایبەت کاتێک سەیرى ئاڵنگارییە جدییەکانى دواى کۆرۆنا دەکەین کە ژیانیان وەستاند و دواى ئەوەش وەک هەمیشە کێشە و ململانێ سیاسییە بەردەوامەکان سەریان هەڵدایەوە و زۆر کەس ئومێدى لەبەر بڕابوو و زۆر کەسیش خۆى دابوو و داویەتە دەستی بەرژەوەندییە تەسکە کاتییەکان، مرۆڤێک بە هێزەوە و بەوپەڕى تواناوە، پرسی بەهێزبوون دەهێنێتە ناو فەرهەنگى سیاسی و بۆ جێبەجێکردنى ئەم کارەش، رووبەڕووى هەموو ئاڵنکارى و بەربەستە ناوخۆیى و دەرەکییەکان دەبێتەوە و "کوردستانێکى بەهێز"، لە ئایدیاوە دەگوازێتەوە بۆ کردەوە و واقیعى سیاسی و کۆمەڵایەتى.

جەنابى "مەسرور بارزانى" لەم بڕگەیە لە ژیانى سیاسی و کۆمەڵایەتى کوردستاندا، بە کۆمەڵێک تایبەتمەندى وەک ستراتیژییانە بیرکردنەوە، لێهاتوویى، خاوەن پڕۆژەبوون و نوێکاریی، دژایەتیکردنى گەندەڵی و بەدیهێنانى چاکسازى، گۆڕەپانى سیاسی کوردستان رەنگڕێژ دەکات، بەجۆرێک کە زۆر بە سانایى دەتوانین کاریگەرییەکانى لەسەر پانتایى ژیانماندا ببینین.
لە سەردەمی کابینە چوار ساڵییەکەیدا، هەرچەندە دوو ساڵی سەرەتای، هەم کوردستان و هەم جیهان بە پەتای کۆرۆناوە سەرقاڵ بوون و ئەم پەتا جیهانییە، ژیان و ئومێدى ژیانکردن و گەڕانەوەى بۆ ژیانى ئاسایى، لە هەندێک بڕگەدا بۆ ئاستی سفر دابەزاند، بەڵام بە هێز و باوەڕبەخۆبوونەوە ئیدارەى کردØ› بە جۆرێک کە دەتوانین بڵێین حکومەتى هەرێمى کوردستان لە رووى رێکارەکانى رووبەڕووبوونەوە و دابینکردنى پێداویستییە تەندروستییەکان، لە ریزى دەوڵەتە هەرە پێشکەوتوو و بە مشوور و بەرپرسیارەکانى دنیا بوو. هەموو ئەمەش بۆ ئەوە بوو، کە خەڵک ئومیدیان بە ژیان هەبێت. ئەمە جگە لەو کێشە و نا ئارامییانەى کە بەردەوام لە لایەن نەیارانی ئاشتی و ئارامی کوردستانەوە، رووبەڕووى کوردستان دەکرانەوە. لەو ماوە کورتەدا، بەڕێزیان بێجگە لەوەی کە زیرەکانە ڕێگری لە هەوڵە نەزۆکە دەرەکی و ناوخۆییەکان کرد، کە مەبەستیان بوو بەچۆکیدا بهێنن و کابینە حکومەتییەکەی لێ هەڵوەشێننەوە، هاوکات توانیویەتى گڕوتینێکی زۆر بە گەشەى هەرێمی کوردستان، ببەخشێØ› کردنەوەی بازاڕى جیهان بۆ کاڵاى کوردى و بەخشینی ئومێد بۆ وەبەرهێنەر و جوتیارانى ناوخۆیى، بڕیارى تەرخانکردنى بودجەیەکى تایبەت بۆ وەرگێڕانى کتێبی کوردى بۆ سەر زمانە بێگانەکان کە نیشانەى ئەوەیە کورد دەیەوێ وەکو خۆى لە لاى ئەوانى تر بخوێندرێتەوە، پەرەسەندنى ژێرخانى ئابوورى و کردنەوەى چەندین کارگەى ستراتیژى و خوڵقاندنى دەیان هەزار هەلى کار بۆ گەنجان، گەشەدان بە کەرتى ئابوورى و کردنەوەى دەرگا بۆ وەبەرهێنەرە بەتواناکان، پەرەسەندنى کەرتى رێگاوبان و نۆژەنکردنەوەیان، دژایەتیکردنى گەندەڵى، هەبوونى پاکێجى تایبەت بە چاکسازى و گەڕاندنەوەى سەدان ملیار دینار بۆ خەزێنەى حکومەت، راگرتنی شکۆى هەرێمى کوردستان وەک هەرێمێکى فیدراڵ لەنێوان خواستە دوژمنکارییە دەرەکییەکان و دەنگە ناوخۆییە نەخوازراوەکان و لە گۆڕنانى خەونى نەهێشتن و بێهێزکردنى حکومەتى هەرێمى کوردستان، کردنەوەى دەروازەى سنوورى زیاتر لەگەڵ وڵاتانى دراوسێ و ...هتد.

هەر دەرەنجامى ئەم سیاسەت و ئەم روانینە ستراتیژییانەیە، کە واى لە وەزیری وزەی ئەمەریکا کردووە بڵێت: بەڕێز "مەسرور بارزانی موعجیزەیە".
لێرەوە، زۆرمان نەگوتووە ئەگەر بڵێین ئەوەى بووەتە داینەمۆى نووسینی میژوو لەم بڕگەیەى ژیانى سیاسیماندا، سەرۆکی حکومەت روانگە و هزر و ستراتیژێکە لەسەر بنەمای بەرز راگرتنی شکۆ و کەڕامەتی تاک و ئیرادەیەکى بەهێزە بۆ رووبەڕووبوونەوەى قەیرانەکان، کارکردنە بۆ بەدیهێنانى گۆڕانکارى لە ژیانى تاکى کوردستانى بە ئاڕاستەى خۆشبەختیØ› بینینی بەربەست و ئاڵنگارییەکانە وەک دەرفەتێکØ› "مەسرور بارزانی" مۆدێلێکى نوێی سیاسەت و حوکمڕانییە لە میژووى کورددا و دۆکترینێکە بۆ بنیاتنانى "کوردستانێکى بەهێز".

 


1 ساڵ و 2 ڕۆژ و 20 کاتژمێر و 15 خوله‌ک له‌مه‌وپێش‌

مەسرور بارزانی ، مۆدێلێکى نوێى سیاسەت و حوکمڕانى

مەسرور بارزانی ، مۆدێلێکى نوێى سیاسەت و حوکمڕانى

ڕووداو 24


به‌‌‌ ڕێنوێنی به‌‌‌شێک له‌‌‌ ڕۆژنامه‌‌‌نووسانی سه‌‌‌ربه‌‌‌خۆ و چالاکڤانانی تێکۆشه‌‌‌ر، بڕیاردرا که‌‌‌ تۆڕی میدیایی ڕوداو٢٤ له‌‌‌مڕۆوه‌‌‌ ٥ی خه‌‌‌زه‌‌‌ڵوه‌‌‌ری ساڵی ٢٧٢٢ ده‌‌‌ست به‌‌‌ بڵاوکردنه‌‌‌وه‌‌‌ی هه‌‌‌واڵ و زانیاری له‌‌‌سه‌‌‌ر ڕاپه‌‌‌ڕینه‌‌‌کان بڵاو بکاته‌‌‌وه‌‌‌ و ببێته‌‌‌ ده‌‌‌نگ و ڕه‌‌‌نگی جه‌‌‌ماوه‌‌‌ری ڕۆژهه‌‌‌ڵاتی کوردستان و باشووری کوردستان و ڕۆژئاواو  باوکوری کوردستان بێت به‌‌‌بێ جیاوازی فکری و سیاسی.....

ده‌‌‌سته‌‌‌ی دامه‌‌‌زراندنی تۆڕی میدیایی ڕووداو ٢٤

 

 

په‌یوه‌ندی


ده‌‌‌سته‌‌‌ی به‌‌‌ڕێوبه‌‌‌ری ڕووداو ٢٤
[email protected]

ڕێکلام
[email protected]

ناورد و بڵاوکردنه‌‌‌وه‌‌‌ی هه‌‌‌وڵ

[email protected]

به‌‌‌شی په‌‌‌یوه‌‌‌ندیه‌‌‌کان

[email protected]

ئه‌په‌کانی ڕووداو 24


ئه‌‌‌پلیکه‌‌‌ینی شه‌‌‌ندرۆید ، (9٠ %, ئاماده‌‌‌یه‌‌‌)

ئه‌‌‌پلیکه‌‌‌یشنی ئایفۆن،  (9٠ %, ئاماده‌‌‌یه‌‌‌)

ئه‌‌‌پلیکه‌‌‌یشنی ویندۆز،  (9٠ %, ئاماده‌‌‌یه‌‌‌)

ئه‌‌‌پلیکه‌‌‌یشنی لینوکس،  (9٠ %, ئاماده‌‌‌یه‌‌‌)