ئەمریکا پێشوازی لە گەڕانەوەی وەزیرەکانی یەکێتیی دەکەین بۆ ئەنجومەنی وەزیرانی هەرێمی کوردستان
پێشوازی لە گەڕانەوەی وەزیرەکانی یەکێتیی دەکەین بۆ ئەنجومەنی وەزیرانی هەرێمی کوردستان،
کونسوڵخانەی گشتیی ئەمریکا لە هەولێر ئەمڕۆ دوشەممە لە پەیامێکدا بڵاویکردەوە، "پێشوازی لە گەڕانەوەی وەزیرەکانی یەکێتیی دەکەین بۆئەنجومەنی وەزیرانی هەرێمی کوردستان، دوای ئەوەی لەگەڵ پارتی دیموکراتی کوردستان لەسەر پرسە گرنگەکان گەیشتنە ڕێککەوتن".
ئاماژەی بەوەشکردوە، "بە خۆشحاڵیەوە دەڕوانینە کاری پێکەوەیی و هەماهەنگیی نزیک لەگەڵ حکومەتی هەرێمی کوردستان لەسەر کارەلەپێشینە هاوبەشەکانمان بۆ پێشخستنی زیاتری ئەم بەرەوپێشچونە".
دوێنێ یەکشەممە کۆبونەوەی ئەنجومەنی وەزیرانی هەرێمی کوردستان بەڕێوەچو، یەکەمین کۆبونەوە بو لە دوای زیاتر لە حەوت مانگ کەقوباد تاڵەبانی و وەزیرەکانی یەکێتی تیایدا بەشداربون، دوای ئەوەی هەفتەی رابردو گرژییەکانی نێوان پارتی و یەکێتی خاوبونەوە ومەسرور بارزانی و قوباد تاڵەبانی کۆبونەوە.
بەگوێرەی راگەیەندراوی کۆبونەوەکە، بە کۆی دەنگ بڕیاردراوە بە ڕێکخستنەوەی دارایی گشتی لە سەرتاسەری هەرێم، لە ڕێگای(بەناوەندییکردنی داهات و سیولە وخەرجی و موچە) بێت، بۆ ئەو مەبەستەش، بڕیاردرا، بە ڕێکخستنەوەی سەرجەم سەرچاوەکانی داهات لەبانکەکان و گەنجینەکان و دەرواز سنورییەکان و بەڕێوەبەرایەتیەکانی باج و رسومات بە مەبەستی پاراستنی داهاتی گشتی و هەروەهابەیەکەوەبەستنیان لە ڕێگەی سیستەمێکی ئەلکترۆنی.
هەر لەو چوارچێوەیەدا، بڕیاردراØ› ئەولەویەت لە خەرجییەکان بدرێت بە موچە وەک خەرجی سیادی لەسەرتاسەری هەرێم، بۆ خەرجیەکانیدیکەی جگە لە موچەش، پێویستە بە میکانیزم وڕێکاریی گونجاو و بە شێوازێکی دادپەروەرانە لەسەر بنەمای ژمارەی دانیشتوانی هەرپارێزگا وئیدارەیەکی سەربەخۆ، خەرجییەکان ئەنجام بدرێت.
لە راگەیەندراوەکەدا ئەوەش خراوەتەڕو، بۆ مسۆگەرکردنی جێبەجێکردنی ئەم بڕیارانەش، سەرۆک و جێگری سەرۆک وەزیران ، سەرپشککرانبۆ دانانی میکانیزمی پێویست بۆ پشتیوانی وەزارەت و لایەنە ڕاسپێردراوەکان بۆ جێبەجێکردنی ئەو بڕیارانە.
