‎ مەسرور بارزانی و قوباد تاڵەبانی، لە نوسینگەی سەرۆک وەزیرانی هەرێمی کوردستان کۆبونەوە
ئەمرۆ دوشەممە ، مەسرور بارزانی و قوباد تاڵەبانی، لە نوسینگەی سەرۆک وەزیرانی هەرێمی کوردستان کۆبونەوە و لەبارەی کێشەکانینێوانیان گفتوگۆیان کرد، بەگوێرەی راگەیەندراوی کۆبونەوەکە، هەردولا کۆکبوون لە سەر چارەسەریی گشت کێشەکان بە ڕێگەی گفتوگۆ.
نوسینگەی سەرۆک وەزیرانی هەرێمی کوردستان بڵاویکردەوە، ئەمرۆ دوشەممە مەسرور بارزانی، سەرۆکی حکومەتی هەرێمی کوردستان،پێشوازی لە قوباد تاڵەبانیـ جێگری سەرۆکی حکومەت کرد، "لە کەشێکی ئەرێنیدا تاوتوێی کێشە و گرفتە دارایی و ئیدارییەکانی بەردەمحکومەتی هەرێم کرا و هەردولا کۆکبون لە سەر چارەسەریی گشت کێشەکان بە ڕێگەی گفتوگۆ و هاوکاری نێوان گشت کوتلە وزارییەکانیناو کابینە".
ئاماژە بەوەشکراوە، لە کۆبونەوەکەدا، هەروەها تیشک خرایە سەر دوا دۆخی سیاسیی هەرێم و ناوچەکە و جەخت لە سەر پاراستنی تەباییو یەکڕیزیی ناوخۆیی کرایەوە، لە پێناو پاراستنی بەرژەوەندییە نیشتیمانی و مافە دەستورییەکانی هاوڵاتیانی هەرێمی کوردستان.
