جیهان بۆ ماوەی سێ رۆژ چاوی لەسەر لەندەن-ی پایتەختی بەریتانیایە کە تیایدا رێوڕەسمی فەرمی دەستبەکاربوونی شا چارلزی سێیەمبەڕێوەدەچێت
جیهان بۆ ماوەی سێ رۆژ چاوی لەسەر لەندەن-ی پایتەختی بەریتانیایە کە تیایدا رێوڕەسمی فەرمی دەستبەکاربوونی شا چارلزی سێیەمبەڕێوەدەچێت و چاوەڕوان دەکرێت رێوڕەسمێکی مێژوویی دەگمەن بە بەشداری سەدان هەزار کەس لە بەریتانی، ئەوروپی و میوانانیسەرجەم وڵاتانی دیکەی جیهان ئەنجامبدرێت.
بەپێی راپۆرتێکی تۆڕی (CNBC)ی ئەمریکی رێوڕەسمەکە کە یەکەمینی لەو جۆرەیە لە بەریتانیا بەدرێژایی زیاتر لە 70 ساڵی رابردوو،تێچووی لەسەر وڵاتەکە زیاتر لە 145 ملیۆن دۆلاری ئەمریکی دەبێت.
بەڵام لەهەمان کاتدا چاوەڕوان دەکرێت خواست لەسەر چەندین کەرت و خزمەتگوزاری لە بەریتانیادا ببوژێنێتەوە، ئەوەش بەهۆی رۆیشتنیهەزاران کەس لەمیانەی پشووی کۆتایی هەفتەدا بۆ ناوەڕاستی لەندەن-ی پایتەخت، هەروەک رۆژی دووشەممە بە پشووی فەرمی لەشانشینی یەکگرتوو دیاریکرا بەبۆنەی رێوڕەسمەکە و تا خەڵکی بتوانن بەشداری تیابکەن یان تەماشای بکەن، لە شەقامەکانەوە بێت یاخودلەڕێی میدیاکانەوە.
رێوڕەسمەکە کە سەرۆکی کڵێسای کانتربری بەڕێوەیدەبات ئەمڕۆ دەستپێدەکات و سێ رۆژ دەخایەنێت، ئاهەنگەکان لە لەندەن وسەرتاسەری شانشینی یەکگرتوو دەبێت، رۆژی دووشەممە 8ی ئایار دەگاتە ترۆپک.
لە رێوڕەسمەکەدا شا چارلز-ی تەمەن 74 ساڵ بە فەرمی دەستبەکاردەبێت، دوای ئەوەی لە 8ی ئەیلولی 2022 بووە پادشای بەریتانیا، لەهەمان رۆژی مردنی شاژنە ئەلیزابێسی دووەم.
(سی ئێن بی سی) دەڵێت، لەکاتێکدا پێشبینی دەکرێت ملیۆنان کەس بەم بۆنە مێژووییەوە ئاهەنگ بگێڕن، لەگەڵ ئەوەشدا هاوکاتە لەگەڵقەیرانێکی قوڵی دارایی کە شانشینی یەکگرتوو پێوەی دەناڵێنن، بەهۆیەوە هەندێک لە بەریتانییەکان رەخنە لەم بۆنە پڕتێچووە دەگرن کەهاوکاتە لەگەڵ گرفتی بەرزبوونەوەی زۆری تێچووی ژیان.
بڕیارە ئاهەنگی (وستمنستر ئابی) نزیکەی دوو هەزار میوان لە گەورە کەسایەتییەکان بەشداربن، کە ئەمەش نزیکەی چارەکێکی ئەو ژمارەیەکە ئامادەی بۆنەی دەستبەکاربوونی شاژنی کۆچکردوو بوون.
هەروەک پێشبینی دەکرێت تێچووی رێوڕەسمەکانی پشووی کۆتایی هەفتە، کە “کاروانی شا” و ئاهەنگی میوزیکی باخچەکانی وندسوردەگرێتەوە، تێچووەکەی لەنێوان 50 ملیۆن پاوەند بۆ 100 ملیۆن پاوەند (63-125 ملیۆن دۆلاری ئەمریکی) بێت، وەک ئەوەی تۆڕەئەمریکییەکە ئاماژەی پێداوە.
خەرجیی بۆنەکە وەک زۆرینەی بۆنە گشتییەکان لەسەر ئەستۆی حکومەتی بەریتانیا دەبێت، لەگەڵ بەشداریی کۆشکی باکنگهام بە بەشێکیرانەگەیەندراوی تێچووەکەی.
لەم چێوەیەشدا، تێچووی پشووی رەسمی لە 8ی ئایار بۆ سەر ئابوریی شانشینی یەکگرتوو بە بڕی 1.36 ملیار پاوەند دەخەمڵێندرێت.
بەڵام حکومەت، سوورە لەسەر ئەوەی بۆنەکە ملیۆنان دەخاتە خەزێنەی کۆمپانیاکانەوە، بەتایبەت کەرتەکانی فرۆشی تاک، گەشتوگوزار ومیوانداری کە لە رابردوودا زیانی گەورەی بەرکەوتووە. بەپێی هەندێک لە هەڵسەنگاندەکان پێشبینی دەکرێت فرۆشی تاک رۆژانە بەنزیکەی15% لە رۆژەکانی پشوودا زیادبکات.
یو کیە هۆسبیتالیتی، کە کۆمەڵەیەکی بازرگانیی پیشەسازیی میواندارییە دەڵێت، رێوڕەسمەکەی پادشتا نزیکەی 350 ملیۆن پاوەند بۆکەرتەکە دەهێنێت. سەرەڕای ئەوەی، هاوشانی دوو پشووی دیکە لە بەریتانیا لەم مانگەدا، هەروەها پێشبڕکێکی گۆرانیی ئەوروپی لە لیڤەرپوڵلە 13ی ئایار، دەشێت کۆی داهاتەکەی بگاتە یەک ملیار پاوەند.
