ڕاوێژکاری پێشووی ئاسایشی نەتەوەیی ئەمریکا پێشنیاری بانگهێشتکردنی ٣ وڵاتی دیکە دەکات بۆ پەیوەست بوون بە (ناتۆ)وە
ڕاوێژکاری پێشووی ئاسایشی نەتەوەیی ئەمریکا پێشنیاری بانگهێشتکردنی ٣ وڵاتی دیکە دەکات بۆ پەیوەست بوون بە (ناتۆ)وە
جۆن بۆڵتۆن، ڕاوێژکاری پێشووی ئاسایشی نەتەوەیی ئەمریکا لە وتارێکدا بۆ ڕۆژنامەی وۆڵ ستریت جۆرناڵ پشتڕاستی کردەوە کە ناتۆدەتوانێت ببێتە ڕێکخراوێکی جیهانی بە پەیوەستبوونی سێ وڵاتی دیکە.
بۆڵتۆن وتی: پێویستە بیرۆکەی جۆزێ ماریا ئەزنار (سەرۆک وەزیرانی پێشووی ئیسپانیا) جێبەجێ بکەین بۆ ئەوەی ناتۆ بکەینەڕێکخراوێکی جیهانی بە بانگهێشتکردنی ژاپۆن و ئوسترالیا و ئیسرائیل بۆ بەشداریکردن لە هاوپەیمانییەکە.
ئاماژەی بەوەشکرد، ئەگەر پێوەرەکانی خەرجکردنی بەرگری هاوپەیمانییەکە بەدیبهێنن، ئەوا وڵاتانی دیکە دەتوانن پەیوەندی بە ناتۆوە بکەن.
ئەو پێی وابوو کە ئەمریکا و هاوپەیمانەکانی پێویستیان بە زیادکردنی بودجەی بەرگری هەیە، لە هەمان کاتدا بودجە بۆ پیشەسازییەکانیدیکە کەم بکەنەوە.
