‎سەرۆکی نێردەی یەکێتیی ئەوروپا بۆ پەیوەندییەکان لەگەڵ عێراق لە راگەیەندراوێکدا "بە تووندترین شێوە سەرکۆنەی" هێرشەکەی سوپای پاسدارانی بۆسەر هەرێمی کوردستان کرد
ئەمرۆ هەینی 18ـی تشرینی دووەمی 2022، سارا سکایدیتاڵ، سەرۆکی نێردەی یەکێتیی ئەوروپا بۆ پەیوەندییەکان لەگەڵ عێراق لەراگەیەندراوێکدا "بە تووندترین شێوە سەرکۆنەی" هێرشەکەی سوپای پاسدارانی بۆسەر هەرێمی کوردستان کرد و دەڵێت، ئەوەی ئێرانکردی بەهەموو شێوەیەک پێشێلکردنی سەروەری و یەکپارچەیی خاکی عێراقە.
سارا سکایدیتاڵ ئاماژەی بەوەکردووە، "ئەم کردەوە تووندوتیژییە بۆسەر خاکی وڵاتێکی خاوەن سەروەری هیچ پاساوێک هەڵناگرێت. داوا لەهەموو لایەک دەکەین دان بەخۆیاندا بگرن و خۆیان لە لاوازبوونی پرۆسەی دیموکراسی لە عێراقدا بەدووربگرن".
هەروەها پاڵپشتیی پەرلەمانی یەکێتیی ئەوروپا بۆ حکومەتی هەرێمی کوردستان، گەل و حکومەتی عێراق دووپاتدەکاتەوە.
رۆژی 14ـی تشرینی دووەم، سوپای پاسداران هێرشیکردەوە سەر بارەگاکانی حزبەکانی رۆژهەڵاتی کوردستان لە سنووری کۆیە وزڕگوێز.
ئەوەش جاری یەکەم نەبوو کە ئێران هێرشبکاتە سەر خاکی هەرێمی کوردستانØ› رۆژی 24ـی ئەیلوولی 2022، هێزی زەمینی سوپایپاسداران دەستپێکردنی ئۆپەراسیۆنی دژی حزبەکانی رۆژهەڵاتی کوردستانی راگەیاند و داوای لە خەڵکی هەرێمی کوردستان کرد لە بنکە وبارەگای ئەو حزبانە دوور بکەنەوە.
