ئەنجومەنی سوریای دیموکرات (مەسەدە) ڕایدەگەیەنێت، شەوی رابردو درۆنی تورکی سنوری کۆبانێی بۆردومانکردوە
ئەنجومەنی سوریای دیموکرات (مەسەدە) ڕایدەگەیەنێت، شەوی رابردو درۆنی تورکی سنوری کۆبانێی بۆردومانکردوە
هاوسەرۆکی دەستەی جێبەجێکردنی ئەنجومەنی سوریای دیموکرات (مەسەدە) ڕایدەگەیەنێت، شەوی رابردو درۆنی تورکی سنوری کۆبانێیبۆردومانکرد، ئەوەش هەنگاوێکە خزمەت بەهیچ کەسێک ناکات و داوای راگرتنی دەکەن.
ئیلهام ئەحمەد، هاوسەرۆکی دەستەی جێبەجێکردنی مەسەدە ئەمڕۆ لە پەیامێکدا ئاماژەی بەوەشکرد، "سەرەڕای کارەساتی بومەلەرزە لەسوریا و تورکیا و کاریگەرییە مرۆییەکانی، هێشتا حکومەتی تورکیا پێداگرە لەسەر سیاسەتە دوژمنکارییەکانی لەسەر بنەمای توندوتیژی وجەنگ".
ئەو هەنگاوە خزمەت بە هیچ کەسێک ناکات
ئەوەشی خستوەتەڕو، لەو چوارچێوەیەشدا شەوی رابردو درۆنی تورکی شاری کۆبانێی کردوەتە ئامانج، بەبێ گوێدان بەو کارەساتە مرۆیەیناوچەکەی گرتوەتەوە، ئەو هەنگاوەش خزمەت بە هیچ کەسێک ناکات جگەلەوەی زیان بە هەردو گەلی تورکیا و سوریا دەگەیەنێت.
هەسەدە گیان لەدەستدانی دو ئەندامی هێزەکانی راگەیاند
لای خۆیەوە هێزەکانی سوریای دیموکرات (هەسەدە) گیان لەدەستدانی دو ئەندامی هێزەکانی لە ئەنجامی بۆردومانەکەی کۆبانێی راگەیاندو داواشیکرد ئەو هێرشانە رابگیرێن، پێشتریش نەتەوە یەکگرتوەکان داوای راگرتنی هەمو جۆرە گرژییەکی کردبو بۆ ئەوەی هەموان سەرنجبخەنەسەر هاوکارییە مرۆییەکان لە سوریا.
