دادگای تێهەڵچوونەوەی پاریس داواکارییەک بۆ ئازادکردنی پێشوەختەی نیکۆلاس سارکۆزی سەرۆکی پێشووی فەرەنسا تاوتوێ دەکات
دوای ئەوەی لە دۆسیەی پارەدارکردنی لیبیا لە هەڵمەتی هەڵبژاردنی سەرۆکایەتیدا سزای پێنج ساڵ زیندانی بەسەردا سەپێندرا
سارکۆزی ماوەی ٢١ ڕۆژە لە زیندانی لا سانتێ لە پاریس ڕاگیراوە دادگاش لە ڕێگەی لینکی ڤیدیۆییەوە گوێی لێدەگرێت و پارێزەرانیش ئامادەی دادگاییکردنەکە دەبن
سارکۆزی تەمەن 70 ساڵ بووە یەکەم سەرۆکی پێشووی فەرەنسا لە مێژووی نوێدا لە دوای ئەوەی لە 25ی ئەیلولدا سزای بەسەردا سەپێندرا زیندانی کرا
سارکۆزی لە ٢١ی تشرینی یەکەمدا زیندانی کرابوو تا تانەدان بەڵام دەستبەجێ داوای ئازادکردنی پێشوەختەی تۆمارکرد
بەپێی ڕاپۆرتە میدیاییەکانی فەرەنسا دادوەرەکان هەڵسەنگاندن بۆ ئەوە دەکەن کە ئایا سارکۆزی مەترسی هەڵهاتنی هەیە یان ئەگەری کاریگەری لەسەر شایەتحاڵەکان هەیە
یان ڕێگری لە دادپەروەری دەکات بۆیە ئەگەر داواکاریەکەی جێبەجێ بکرێت سارکۆزی دەتوانێت لە ماوەی چەند کاتژمێرێکدا زیندانی لا سانتێ لە پاریس بەجێبهێڵێت لەژێر چاودێری دادوەریدا
