دوێنێ شەممە، سوپای ئەمریکا لە ئۆپەراسیۆنێکی بۆ خستنەخوارەوەی کەشتییە ئاسمانییە چینییەکە بەسەر کەوتویی ئەنجام دا
دوێنێ شەممە، سوپای ئەمریکا لە ئۆپەراسیۆنێکی بۆ خستنەخوارەوەی کەشتییە ئاسمانییە چینییەکە بەسەر کەوتویی ئەنجام دا
کە چەند ڕۆژێک بوو بەسەر ئاسمانی ئەمریکادا دەسوڕایەوە و لە گرتە ڤیدیۆییەکاندا ئەو ساتە دەرکەوت کە فڕۆکەیەکی جەنگی کەشتییەئاسمانییەکەی چینی خستە خوارەوە، لە دەرەوەی... کەنارەکانی کارۆلینای باشوور، لەکاتێکدا هێزەکانی ئەمریکا لەسەر زەوی دەست بەئۆپەراسیۆن دەکەن بۆ وەرگرتنەوەی پاشماوەکان.
لۆید ئۆستین وەزیری بەرگری ئەمەریکا ڕایگەیاند، کەشتییە ئاسمانییەکەی چین لەلایەن فڕۆکەیەکی جەنگییەوە لە کەناراوەکانی کارۆلینایباشوور خراوەتە خوارەوە.
پێشتر ئیدارەی فڕۆکەوانی فیدراڵی ڕایگەیاندبوو کە ئاسمانی بەشێک لە ویلایەتی کارۆلینای باکوور و کارۆلینای باشووری داخستووە، بۆئەوەی "پشتیوانی لە وەزارەتی بەرگری بکات لە هەوڵێکی ئاسایشی نیشتمانیدا".
وە میدیاکانی ئەمریکا بڵاویانکردەوە کە سەرۆک جۆ بایدن گڵۆپی سەوزی هەڵکرد بۆ ئەوەی باڵۆنەکە بخاتە خوارەوە، ئاماژەی بە جوڵەیکەشتییە جەنگییەکان و شەڕکەرەکان کردووە بۆ شوێنی باڵۆنەکە.
لە دوێنێوە ئەندامانی کۆنگرێس و کاندیدەکانی کۆمارییەکان بۆ هەڵبژاردنی سەرۆکایەتی ساڵی ٢٠ ٢٤ بە ئاشکرا فشاریان لە ئیدارەی جۆبایدن کردووە بۆ ئەوەی دەستبەجێ باڵۆنەکە بخەنە خوارەوە.
ڕۆژی شەممەی ڕابردوو، سەرۆکی ئەمریکا وەڵامی پرسیارێکی دایەوە کە ئایا ئەمریکا باڵۆنە چینیەکە دەخاتە خوارەوە یان نا، و ڕایگەیاند"ئێمە ئاگاداری دەبین".
بایدن وەسوەسەی بۆ دروست بوو کە باڵۆنەکە بخاتە سەر زەوی کاتێک بۆ یەکەمجار ڕۆژی سێشەممە ئاگادارکرایەوە، بەڵام بەرپرسانیپنتاگۆن ئامۆژگارییان کرد کە ئەو کارە نەکات و هۆشدارییان دا لەوەی کە مەترسییەکی ئەگەری لەسەر مرۆڤ لەسەر زەوییەکە هەیە کە لەهەڵسەنگاندنی دەستکەوتە ئەگەرییەکانی هەواڵگری چین زیاترە.
"بالۆنی چینی" لە ئاسمانی ویلایەتە یەکگرتووەکانی ئەمەریکا نیگەرانییەکانی ئاسایشی نیشتمانی و دیپلۆماسی بەرزکردۆتەوە وپەیوەندییەکانی نێوان واشنتۆن و پەکین زیاتر ئاڵۆزتر کردووە.
وە وەزارەتی بەرگری ئاشکرای کرد، پێشتر، کە "باڵۆن" لە ئێستادا مەترسی "سەربازی یان سیاسی" دروست ناکات.
ئا: مژدە حسین محمد
