ئایا مەترسی جددی هەیە .ئێران هێرش بکاتە سەر ئامانجەکانی سعودیە?

بەپەلە..

جۆرج بوش سەرۆکی پێشووی ئەمریکا، دەڵێت ئەم هەڵسوکەوتە لە تاران ئاساییە و ڕوونیدەکاتەوە: "هەرچەندە ڕژێم زیاتر گوشاری لەسەر بکەوێت، زیاتر شەڕانگێزی دەبێت".

ئایا مەترسی جددی هەیە .ئێران هێرش بکاتە سەر ئامانجەکانی سعودیە?

ئەمریکا نیگەرانە لە دۆخی ئەمنی کەنداو. بەپێی زانیارییەکانی ڕیاز، ئێران دەتوانێت هێرش بکاتە سەر ئامانجەکانی سعودیە. بەڵام شارەزایانی ئەمنی لە هەڵسەنگاندنی دۆخەکەدا جیاوازن. ئایا بەڕاستی مەترسی هێرشی ئێران بۆ سەر شانشینی جدییە?
مایکل دۆران، لێکۆڵەر لە ئینستیتیوتی کۆنەپەرستی هادسۆن لە واشنتۆن دەڵێت: "بەدوور ناکەم کە ڕژێم لە ئێران هێرش بکاتە سەر سعودیە". پێشتر هێزەکانی ئێران لە کۆتایی مانگی ئەیلولی ڕابردوودا ڕێکخراوە کوردییەکانی ئێرانیان لە نزیک شاری هەولێری پایتەختی هەرێمی کوردستان بۆردومان کردبوو. ئه ندامانی ئه و ڕێکخراوه کوردییانه پێشتر له تاران له ڕژێمه وه هه ڵاتوونه ته عێراقی دراوسێ.
دوران لە چاوپێکەوتنێکدا لەگەڵ کەناڵی (DW) پێی وایە ئەم "نمایشکردنی هێز" دووبارە دەبێتەوە ئەگەر ڕێژیمی ئێران هەست بە فشار بکات، ئاماژەی بەوەشکرد کە تاران بەهۆی خۆپیشاندانە جەماوەرییەکان دژی "ڕژێمی مەلاکان" لەژێر فشاری زیاتردایە.
ئەو شارەزایە سەرنجی خەڵک بۆ ئەو ڕاستییە ڕادەکێشێت کە ڕێژیمی ئێران هەوڵدەدات لە ئاستی ناوخۆشدا سوود لە ململانێ دەرەکییەکان وەربگرێت: بە چەواشەکردنی خۆپیشاندەران وەک "بریکاری بیانی". دۆران ڕوونی دەکاتەوە کە ڕژیم لە تاران هەوڵ دەدات هەموو دوژمنەکانی بخاتە یەک هاوسەنگی: خۆپیشاندەران و سعودیە و ئیسرائیل و ئەمریکا.

لەڕاستیدا سوپای پاسدارانی ئێران و وەزارەتی ئیتلاعات و ئاسایشی نەتەوەیی ئێران ڕاپۆرتێکی هاوبەشیان بڵاوکردەوە و خۆپیشاندانەکانی ئەو وڵاتەیان بە "بەشێک لە پیلانێک" وەسفکرد کە لە دوژمنانی تارانەوە سەرچاوەی گرتووە: ئەمریکا، بەریتانیا، ئیسرائیل و سعودیە.
دۆران کە هاوکات شارەزای پێشووی ڕۆژهەڵاتی ناوەڕاستە لە ئیدارەی جۆرج بوش سەرۆکی پێشووی ئەمریکا، دەڵێت ئەم هەڵسوکەوتە لە تاران ئاساییە و ڕوونیدەکاتەوە: "هەرچەندە ڕژێم زیاتر گوشار بکەوێت، زیاتر شەڕانگێزی دەبێت".
ئا:رەحیم هەورامی