حاكم ڕزگار ئه‌ندامی پێشوی دادگای پێداچونه‌وه‌ی هه‌رێمی كوردستان ره‌خنه له‌بڕیاره‌كه‌ی دادگای فیدڕاڵی ده‌گرێت و رایده‌گه‌یه‌نێت، "له‌بنه‌ڕه‌تدا یاسای دادگای فیدڕاڵی ناده‌ستورییه
حاكم ڕزگار ئه‌ندامی پێشوی دادگای پێداچونه‌وه‌ی هه‌رێمی كوردستان ره‌خنه له‌بڕیاره‌كه‌ی دادگای فیدڕاڵی ده‌گرێت و رایده‌گه‌یه‌نێت، "له‌بنه‌ڕه‌تدا یاسای دادگای فیدڕاڵی ناده‌ستورییه
و به‌رپرسانی كوردیش دركیان به بایه‌خی ئه‌و دادگایه له‌سه‌ر داهاتوی بڕیاردان له عێراق نه‌كردوه" و ده‌شڵێت، "دادوه‌ر واته ویژدان و یاساچونكه قسه‌كردنه له‌سه‌ر ده‌ستور و پاراستنی ماف و ئازادییه‌كان".
دادوه‌ر ڕزگار محه‌مه‌د ئه‌مین له‌گفتوگۆیه‌كدا له‌گه‌ڵ ده‌نگی ئه‌مریكا رایگه‌یاند، "له بنه‌ڕه‌تدا یاسای دادگای فیدڕاڵی یاسایه‌كی ناده‌ستورییه،چونكه به‌پێی مادده‌ی (92) بڕگه‌ی (2) له ده‌ستوری عێراق دادگاكه پێكنه‌هاتوه كه پێویسته شاره‌زا له فیقهی ئیسلامی و یاساناس له یاساو دادوه‌ری تێدابێت، ئه‌وه‌ی له ئێستادا كاری پێده‌كات بێگومان ئه‌و یاسا ده‌ستورییه نییه ده‌سه‌ڵات و پێكهاته‌كه‌ی وه‌كو ده‌ستور نییه، دادگاكه‌وه‌كو واقیعی هه‌یه ئه‌گه‌رنا به‌پێی یاسایه‌كی ناده‌ستوری دامه‌زراوه، هه‌رێمی كوردستان كه ده‌ناڵێنێت به‌ده‌ستیه‌وه و ئینكاری لێده‌كاتئه‌وانیش ئه‌ندامیان هه‌یه له‌وێ ئه‌ندامه‌كانیشیان به‌ڕێگه‌ی پشك له‌نێوان پارتی و یه‌كێتی دایه، به سه‌پاندنی ته‌نانه‌ت ئیراده‌ی به‌غداش به‌سه‌رهه‌رێمی كوردستاندا له بابه‌تێكیاندا، دادگای ده‌ستوریی باڵای فیدڕاڵی ده‌بێت پشكنین بۆ ئه‌و بڕیار و ڕێكارانه بكات كه ده‌ستورین یان ناده‌ستورین"
سه‌باره‌ت به‌وه‌ی ئایا ئه‌م دادگایه كه‌وتۆته ژێر كاریگه‌ری سیاسی و هه‌ستی نه‌ته‌وه‌یی له بڕیاره‌كانیدا؟ دادوه‌ر ڕزگار محه‌مه‌د ئه‌مین ده‌ڵێت،"ته‌نانه‌ت ئاو و هه‌واش كه‌وتۆته ژێر كاریگه‌ری سیاسیه‌وه، كام ده‌زگایه هه‌یه له‌عێراقدا له‌ژێر كاریگه‌ری سیاسی نه‌بێت و به‌پیشه‌یی ته‌واویخۆی هه‌ڵبسێت؟ هه‌مویان له‌ژێر كاریگه‌ری سیاسیدان ته‌نانه‌ت دانانیش به‌پێی پشككاری داده‌نرێت، دادوه‌ر ده‌بێت له‌سه‌رو هه‌موڕه‌چاوكردنێكی مه‌زهه‌بی و نه‌ته‌وه‌یی بێت، من ده‌ڵێم بابه‌ته‌كه به‌ده‌ر نییه له كاریگه‌ری پشكداری حزبی، مه‌رج نییه به‌ناوی مه‌زهه‌به‌وه یاننه‌ته‌وه‌وه شتێك ده‌كات، به‌ڵام له بابه‌تێكی ئاوادا كه په‌یوه‌ندی به ژیان و ئابوری ناوچه‌یه‌كه‌وه هه‌یه ده‌بێت ئه‌م دادگایه هه‌ڵوێسته‌كه‌یهه‌ڵوێستێكی حقوقی-ماف بێت، كێشه هه‌یه له‌نێوان حكومه‌تی هه‌رێم و حكومه‌تی به‌غدا له‌سه‌ر ئه‌وه‌ی هه‌رێم داهات نانێرێت، ئه‌وه نابێت ڕێگربێت له‌وه‌ی شایسته‌ی دارایی خه‌ڵكی كوردستانی عێراقی بفه‌وتێنرێت، ئه‌وه بابه‌تێكه و ئه‌مه‌ش بابه‌تێكی تره، نابێت قوتی خه‌ڵك ببێت به‌بابه‌تێكی سیاسی".
ئاماژه‌ی به‌وه‌شكردوه، "بێبه‌شكردنی كۆمه‌ڵێك خه‌ڵك له هه‌رێمێكدا یان هه‌رشوێنێكی عێراقدا له‌وه‌ی كه بێبه‌ش ببن له بودجه‌ی عێراقنه‌ده‌ستوریه و نه‌هاوڕایه له‌گه‌ڵ مافی مرۆڤ و نه‌كاره‌كه‌ش مرۆڤانه‌یه، دادگای فیدڕاڵی به‌ته‌نها دادگایه‌كی شكلی داخراوی بچوك نییه، ئه‌قڵبچوك نییه وابه‌سته بێت به قه‌زیه‌ی نێوان ژن و مێردێك كه له‌یه‌كتری جیاده‌بنه‌وه، به‌ڵام من مه‌زه‌نده ده‌كه‌م ئه‌و دادگا فیدڕاڵیه بۆ ده‌وڵه‌تێك بێتكه تێیدا ڕێز له ده‌ستور بگرێت، دادگای ده‌ستوری له عێراقدا، به‌پێی یاسای بنه‌ڕه‌تی ساڵی ،1925 هه‌میشه ئه‌و دادوه‌رانه‌ی له‌وێ دانراونده‌بێت له دادوه‌ری دادگای ته‌میز بن، عێراق به‌ڕاستی ئه‌زمونی له‌سه‌ر دادگای ده‌ستوریی نییه".
دادوه‌ر ڕزگار محه‌مه‌د ئه‌مین ئه‌وه‌ش ئاشكراده‌كات، "له‌ناو ده‌سته‌ی قه‌زاییدا به‌زۆرینه و كه‌مینه بڕیار ده‌رده‌چێت، به‌ڵام هه‌مو دادوه‌رانه‌ی له‌دادگادان ئازادن له‌وه‌ی ڕای خۆیان ده‌رببڕن و ڕای پێچه‌وانه‌كه‌شی خۆی ڕون بكاته‌وه، بڕیار كه ده‌رده‌چێت به زۆرینه‌یه، هه‌ر له بنه‌ڕه‌تداهه‌رێمی كوردستان گوێی به‌وه نه‌داوه كه دادگایه‌كی باڵای فیدڕاڵی دروست ببێت، به‌بۆچونی من هه‌رێمی كوردستان ئه‌و ئیدراكه‌یان نه‌بوه‌له‌سه‌ر بایه‌خی ئه‌و دادگایه، من بۆچونم وابو ده‌بێت ئه‌و بڕیارانه‌ی ده‌رده‌چن سه‌باره‌ت به هه‌رێمه‌كان ده‌بێت ڕێژه‌یه‌كیان بۆ دیاریبكرێت له‌ده‌نگداندا نه‌ك به زۆرینه و كه‌مینه بن، كاتی خۆی ئاگاداری لایه‌نی سیاسیم كردۆته‌وه به نامه‌ی تایبه‌تی له‌وباره‌یه‌وه"
