ئاژانسی هه‌واڵگریی عێراق هه‌وڵێكی "تیرۆرستی"ی شكست پێهێنا كه دادگای تێهه‌ڵچونه‌وه‌ی موسڵی كردبوه ئامانج
ئاژانسی هه‌واڵگریی عێراق هه‌وڵێكی "تیرۆرستی"ی شكست پێهێنا كه دادگای تێهه‌ڵچونه‌وه‌ی موسڵی كردبوه ئامانج.
ئاژانسه‌كه له به‌یاننامه‌یه‌كدا ئه‌مڕۆ چوارشه‌ممه ئاشكرایكرد كه سێ خۆكوژ هه‌وڵیانداوه دادگای تێهه‌ڵچونه‌وه‌ی موسڵ بكه‌نه ئامانج، به‌ڵام هێزه ئه‌منییه‌كان شكستیان به هه‌وڵه‌كه هێناوه.
هه‌واڵگریی عێراق ئاماژه‌ی به‌وه‌شداوه كه خۆكوژه‌كان سه‌ربه رێكخراوی داعش بون و سه‌ره‌ڕای پوچه‌ڵكردنه‌وه‌ی هه‌وڵه‌كه‌یان، ده‌ستگیركراون.
ده‌شڵێت كه به هاوكاریی لایه‌نه په‌یوه‌ندیداره‌كان و كۆكردنه‌وه‌ی زانیاری، توانراوه پێش ئه‌نجامدانی كرده‌وه‌كه، خۆكوژه‌كان ده‌ستگیربكرێن پێش ئه‌وه‌ی بچنه ناو دادگای تێهه‌ڵچونه‌وه‌ی موسڵه‌وه.
