وەزارەتی ناوخۆی عێراق ڕایدەگەیەنێت، هێزە ئەمنییەکان بە تۆمەتی ئاهەنگگێڕانی نایاسایی و تەقەی خۆشی ٦٥ کەسیان لە پارێزگاکانیعێراقدا دەستگیرکردووە
وەزارەتی ناوخۆی عێراق ڕایدەگەیەنێت، هێزە ئەمنییەکان بە تۆمەتی ئاهەنگگێڕانی نایاسایی و تەقەی خۆشی ٦٥ کەسیان لە پارێزگاکانیعێراقدا
دەستگیرکردووە
و بەپێی دوایین ئامارەکان بەهۆی تەقەی خۆشیەوە ٦٨ کەس برینداربوون.
وەزارەتی ناوخۆی عێراق راگەیندراوێکی بڵاوکردەوە و تێیدا هاتووە، لە کاتی بردنەوەی هەڵبژاردەی عێراق لە یاری جامی کەنداوی ٢٥هەندێک کەس بە شێوەیەکی نایاسایی ئاهەنگی بردنەوەیان گێرا.
ئەوەشی خستووەتەڕوو، هێزە ئەمنییەکانی پارێزگاکانی عێراق ٦٥ کەسیان بە تۆمەتی ئاهەنگ گێرانی نایاسایی و تەقەی خۆشیەوەدەستگیرکردووە و بە پێی دواین ئامارەکان ٦٨ کەس بەهۆی تەقەی خۆشیەوە برینداربوون.
ئاماژەی بەوەشداوە، لە ئەنجامی تەقەی خۆشی و ئاهەنگێڕانی نایاسایی بە بۆنەی بردنەوەی هەڵبژاردەی عێراق تەنها لە پارێزگای بەغدا ٢٤کەس برینداربوون و لە پارێزگاکانی دیکەش ٣٩ حاڵەتی برینداربوونی هاوڵاتیان تۆمارکراوە.
باسی لەوەشکرد، هێزە ئەمنییەکانی عێراق بە تۆمەتی ئاهەنگێڕانی نایاسایی و تەقەی خۆشی ٢٧ کەسیان لە پارێزگای بەغدا دەستگیرکردو لە پارێزگاکانی دیکەش ٣٨ کەس بە هەمان تۆمەت دەستگیرکراون.
ئەمەش لە دوای ئەوە دێت، دوێنێ پێنجشەممە کۆتا یاری جامی کەنداوی ٢٥ لە نێوان هەڵبژاردەی عێراق و عومان لە یاریگای نێودەوڵەتیبەسڕە بەڕێوەچوو و هەڵبژاردەی عێراق بە ئەنجامی سێ گۆڵ بەرامبەر بە دوو گۆڵ لە هەڵبژاردەی عەمانی بردەوە و بووە خاوەنی نازناوەکە.
