ئەنجوومەنی سەرکردایەتی یەکێتی رایگەیاند، یەکێتی و پارتی قۆناغی ناکۆکییەکانیان تێپەراندووە

ئەنجوومەنی سەرکردایەتی یەکێتی رایگەیاند، یەکێتی و پارتی قۆناغی ناکۆکییەکانیان تێپەراندووە

هەرێم کەمال ئاغا، ئەندامی ئەنجوومەنی سەرکردایەتی یەکێتی رایگەیاند، یەکێتی و پارتی قۆناغی ناکۆکییەکانیان تێپەراندووە و لە ئێستادا"هەوڵی چارەسەرکردنی کێشەکان دەدرێت."

وتیشی، "لەوانەیە دوای دانیشتنی پەرلەمان، کۆبوونەوەی نێوان هەردوو حزب لەسەر ئاستی مەکتەب سیاسی ئەنجامبدرێت."

ڕاشیگەیاند، هەریەک لە یەکێتی و پارتی، بە یاداشت گلەییەکانیان داوەتە یەکتر و بەدوای چارەسەری ریشەییدا دەگەرێن. هەروەهاچەسپاندنی گۆرانکارییە وەزارییەکان بەشێکن لە چارەسەرکردنی کێشەکان."

ئاماژەی بەوەشکرد، "مەترسی و گۆرانکاری لەپێشە و پێویستە کێشەکانی نێوان یەکێتی و پارتی چارەسەربکرێن."

هاوکات عەلی حوسەین ئەندامی مەکتەبی سیاسی پارتی، لەبارەی پەیوەندی پارتی و یەکێتییەوە ڕایگەیاند، پەیوەندییەکی باش لەنێوان دووحیزبەکەدا بوونی هەیە و ئەوان پێویستییان بە نێوەندگیری هیچ کەس و لایەنێک نییە.