نرخی بەنزین دادەبەزێت پاڵاوگەیەک دەکەوێتەکار و رۆژانە 12 ملیۆن لیتر بەنزینی ئۆکتان 95 بەرهەمدەهێنێت
نرخی بەنزین دادەبەزێت
پاڵاوگەیەک دەکەوێتەکار و رۆژانە 12 ملیۆن لیتر بەنزینی ئۆکتان 95 بەرهەمدەهێنێت
حکومەت پاڵاوگەیەک دەخاتەکار کە رۆژانە نۆ بۆ 12 ملیۆن لیتر بەنزینی ئۆکتان 95 بەرهەمدەهێنێت و جەختدەکاتەوە کە کۆتایی بەهاوردەکردنی بەنزین دەهێنن.
حەیان عەبدولغەنی جێگری سەرۆک وەزیران و وەزیری نەوتی عێراق رایگەیاند، بەرهەمی بازرگانیی پاڵاوگەی کەربەلا لە نەوت و بەنزیندەخەنە بازاڕەوە و کوالێتییان بەرزە.
بەپێی وتەی وەزیری نەوت، بەنزینی ئۆکتان 95 لەو پاڵاوگەیە بەرهەمدەهێنن و سەرەتا رۆژانە هەشت بۆ نۆ ملیۆن لیتر بەنزین دەخەنەبازاڕەوە و دواتر زیاددەکرێت بۆ 12 ملیۆن لیتر.
وتیشی، "ئەو بڕە لە بەنزین 75%ـی پێداویستیی ناوخۆ لە بەنزین پڕدەکاتەوە و دواتر پەرە بە پاڵاوگەکانی تر دەدەین و گشت پێداویستییناوخۆ لە بەنزین پڕدەکەینەوە".
حەیان عەبدولغەنی جەختیکردەوە کە ئەو بەنزینەی بەرهەمیدەهێنن، بەپێی پێوەرەکانی ئەوروپا "یۆرۆ 5" دەبێت و لە مانگی ئازاریداهاتووەوە دەستدەکرێت بە بەرهەمهێنانی.
