جیابوونەوەیەک لە واشنتۆن پەنجەرەیەکی دارایی مەترسیدار دەکاتەوە وە بەڵگەو ئەو تۆمەتانە ئاشکرا دەکەن کە بنەماڵەی بارزانی بە نهێنی سامانەکانیان بۆ ئەمریکا دەگوازنەوە
جیابوونەوەیەک لە واشنتۆن پەنجەرەیەکی دارایی مەترسیدار دەکاتەوە وە بەڵگەو ئەو تۆمەتانە ئاشکرا دەکەن کە بنەماڵەی بارزانی بە نهێنی سامانەکانیان بۆ ئەمریکا دەگوازنەوە
جیابوونەوە لە واشنتۆن کەلێنێکی دارایی گەورە دەکاتەوە لەسەر بەڵگەنامەکان وە تۆمەتەکانی گواستنەوەی سامانی بنەماڵەی بارزانی بە نهێنی بۆ ئەمریکا ئاشکرا دەکەن
زنجیرەیەک داوای یاسایی فیدراڵی کە لە نێوان مانگی ئابی ٢٠٢٣ تا کۆتایی ٢٠٢٥ لە ئەمریکا تۆمارکرابوون
تۆمەتی پێکهاتەی دارایی و خانووبەرەی پەیوەست بە بنەماڵەی بارزانی دەسەڵاتدار لە هەرێمی کوردستان ئاشکرا کرد.
ئەم تۆمەتانە لە ناکۆکییەکی یاساییەوە سەرچاوە دەگرن کە لە جیابوونەوەی پارێزەری ئەمریکی جۆناسان ڕ.مۆر و هاوسەری پێشووی، مەهتاب مۆر، چالاکوانی سیاسی و کاندیدی پێشووی کۆمارییەکان بۆ کۆنگرێس بووە.
بەپێی تۆمارەکانی دادگاکانی ئەمریکا، ناکۆکی نێوان هەردوو لایەن لە بابەتی کەسی تێپەڕاندووە و ناکۆکی لەسەر بەڵگەنامە بازرگانی و داراییەکانی لەخۆ گرتووە.
کە مەهتاب مۆر بانگەشەی ئەوە دەکات کە ئەم بەڵگەنامانە زانیاری وردیان تێدایە سەبارەت بەو کۆمپانیا و لایەنانەی کە بۆ کڕینی سەروەت و سامانی خانووبەرە لە ئەمریکا بەکاردەهێنرێن،
وە سودمەندە ڕاستەقینەکان دەشارنەوە لە ڕێگەی کۆمپانیاکانی توێکڵ و ئەمانەتەکانەوە کە لە ویلایەتە جیاوازەکانی ئەمریکا تۆمارکراون، لەوانە دێلاوێر، ڤێرجینیا، فلۆریدا و کارۆلینای باکوور.
لە داوای یاساییەکاندا باس لەوە دەکرێت کە ئەو بەڵگەنامانە نامەنووسی ناوخۆیی و تۆماری مامەڵەی دارایی لەخۆدەگرێت کە مێژووەکەی دەگەڕێتەوە بۆ چەندین ساڵ لەمەوبەر،
وە گواستنەوەی پارە بە ئەندامانی بنەماڵەی بارزانییەوە دەبەستێتەوە. بەهای بەشێک لەو سەروەت و سامانی خانووبەرە کە لە داواکارییەکاندا ئاماژەی پێکراوە، لە ١٠٠ ملیۆن دۆلار تێدەپەڕێت.
وە هەروەها لە فایلەکاندا هاتووە کە ناکۆکی نێوان ئەو دوو هاوسەرە کاتێک پەرەی سەندووە کە هاوسەرەکە داوای گەڕاندنەوەی ئەم بەڵگەنامانەی کردووە دوای تێکچوونی ژیانی هاوسەرگیرییان، ئەمەش وایکردووە مۆر بیانخاتە ناو داوای یاساییە فیدراڵیەکانەوە.
هاوتەریب لەگەڵ ئەم داوایی یاساییانە، ڕێکخراوەکانی ڕاگەیاندنی لێکۆڵینەوەی نێودەوڵەتی، دیارترینیان پرۆژەی ڕاپۆرتکردنی تاوان و گەندەڵی ڕێکخراو (OCCRP)، ڕاپۆرتی وردیان بڵاوکردەوە کە ئاماژەیان بەوە کرد، برایانی بارزانی، مەسرور و مستەفا، لە نێوان ساڵانی 2005 بۆ 2019 لە ڕێگەی کۆمپانیاکانی شێلەوە دەیان موڵکیان لە ئەمریکا بەدەستهێناوە. ئەمەش لەگەڵ ئەو پێکهاتە یاساییانەی کە لە تۆمارەکانی دادگادا بەکارهێنراون هاوتەریبە.
هەروەها بەڵگەنامەکانی دادگا دەریدەخەن کە مەهتاب مۆر بە درێژایی ژیانی پیشەیی چەند ناوێکی یاسایی جیاوازی بەکارهێناوە. بەپێی تۆمارەکانی بازرگانی و دادگا،
ئەمە یارمەتیدەر بووە بۆ بەدواداچوونی پەیوەندییەکانی لەگەڵ کۆمپانیاکانی ڕاوێژکاری و دامەزراوە تۆمارکراوەکان کە ڕاستەوخۆ پەیوەندییان بە هاوسەرەکەی پێشوویەوە هەیە، هەروەها بە ناونیشانە هاوبەشەکان و ژمارەی پەیوەندییەکان کە لە تۆمارەکانی دادگادا دەرکەوتوون.
هەروەها هەندێک لە کەیسەکان ئاماژەیان بە ناکۆکییەکی جیاواز سەبارەت بە گرێبەستەکانی تەکنەلۆژیا و ئاسایشی ئەلیکترۆنی لەخۆگرتبوو. ئەم ناکۆکیانە بریتی بوون لە هەوڵدان بۆ کڕینی تەکنەلۆژیای دیجیتاڵی پێشکەوتوو لە ڕێگەی کۆمپانیاکانی پێشەوە کە لە ئەمریکا تۆمارکراون. دادگاکانی ئەمریکا تا ئێستا بڕیاری کۆتایییان لەسەر بنەمای ئەو داواکاریانە دەرنەکردووە.
بەپێی تۆمارەکانی دادگای فیدراڵی، چەند دۆسیەیەک هێشتا هەڵپەسێردراون، لەکاتێکدا هەندێکی دیکە بەهۆی کێشەی ڕێکارەکانی پەیوەست بە دەسەڵاتی دادوەری یان داڕشتنی یاسایی،
ڕەتکراونەتەوە یان وەستاون، بەبێ ئەوەی هەڵسەنگاندنی دادوەری کۆتایی بۆ خودی داواکارییەکان بکرێت. سەرەڕای ئەوەش، ئەو بەڵگەنامە و نامەنووسییانەی لەم کەیسانەدا هاتووە، بوونەتە بەشێک لەو تۆمارە فەرمیانەی کە لەبەردەستی دەسەڵاتدارانی دادوەری و ڕێکخستنی و میدیاییدان.
ئەم کەیسانە تیشک دەخەنە سەر ئەوەی کە چۆن ناکۆکی خێزانی تایبەت دەتوانێت پەرەبستێنێت بۆ شەڕێکی یاسایی بەرفراوان، لە ئەنجامدا بڕێکی بەرچاو لە بەڵگەنامەکان ئاشکرا دەکرێن، لە کاتێکدا لێکۆڵینەوەی دادوەری و میدیاییەکان بەردەوامن لە سروشتی ئەم سەروەت و سامانانە و سەرچاوەی داراییەکانیان.
تێبینی :/- سەرچاوە http://thenationalcontext.com
وەرگێڕان و ئامادە کردنی ئایندە
