شاندێكی پارتی یەکسانیی و دیموکراسیی گەلان (دەم پارتی) لەم هەفتەیەدا سەردانی عەبدوڵا ئۆجالانڕێبەری زیندانیكراوی پەكەكە دەكات
شاندێكی پارتی یەکسانیی و دیموکراسیی گەلان (دەم پارتی) لەم هەفتەیەدا سەردانی عەبدوڵا ئۆجالانڕێبەری زیندانیكراوی پەكەكە دەكات
بۆ پرسی كاری كۆمسیۆنەكەی پەرلەمانی توركیاو چەكدانان تەوەری سەرەكی قسەوباسەكان دەبێت.
ئاژانسی هەواڵی میزۆپۆتامیا ئەمڕۆ دوشەممە بڵاویكردەوە، شاندێكی دەم پارتی كە لە هەریەكە لەپەروین بوڵدان، جێگری سەرۆک پەرلەمانی تورکیا و پەرلەمانتاری شاری وان، مەدحەت سانجار،پەرلەمانتاری ئورفا و فایەق ئۆزگور ئەرۆل، پارێزەر لە نوسینگەی یاسایی سەدە پێکهاتوە.
ئاماژەی بەوەشكرد، تا ئێستا وادەی کۆبونەوەکە ئاشکرا نەکراوە. ئەوە یەکەمجارە کە شاندەکە لەچوارچێوەی کارەکانی کۆمیسیۆنی هاوپشتی نیشتمانی و برایەتی و دیموکراسی لەگەڵ عەبدوڵا ئۆجالانکۆدەبێتەوە. كۆمسیۆنێك كە تایبەت بە چارەسەری پرسی كورد لەناو پەرلەمانی توركیا دروستكراوە.
بەگوێرەی میدیاكەی باكوری كوردستان، چاوەڕوان دەکرێت عەبدوڵا ئۆجەلان لە دیدارەکەدا، پەیوەستبە کارەکانی کۆمسیۆنەکەو پرۆسەی "لەناوبردن چەک" پەیامی گرنگ بڵاوبكاتەوە. كە دواین دیداریشاندەكە لەگەڵ ئۆجالان بەر لە یەك مانگ بەڕێوەچوە
