ئەمینداری گشتیی ئەنجومەنی وەزیرانی عێراق بەنوسراو وەزارەتی دارایی ئاگاداردەکاتەوە، بۆ ناردنی 400 ملیار دینار بۆ موچەیفەرمانبەرانی هەرێمی کوردستان
ئەمینداری گشتیی ئەنجومەنی وەزیرانی عێراق بەنوسراو وەزارەتی دارایی ئاگاداردەکاتەوە، بۆ ناردنی 400 ملیار دینار بۆ موچەیفەرمانبەرانی هەرێمی کوردستان، تا ئێستاش وادەی ناردنەکەی دیارینەکراوە.
حەمید نەعیم غزی، ئەمینداری گشتیی ئەنجومەنی وەزیرانی عێراق، ئەمڕۆ چوارشەممە لەنوسراوێکدا کە ئاڕاستەی وەزارەتی دارایی عێراقو هەردو بانکی رەشید و رافدەین کراوە تێیدا هاتوە، ئەنجومەنی وەزیران بڕیاریداوە بە ناردنی 400 ملیار دینار بۆ هەرێمی کوردستان.
هەر بەگوێرەی نوسراوەکە، وەزارەتی دارایی و هەردو بانکی رەشید و رافدەین، بڕیارەکەی ئەنجومەنی وەزیران جێبەجێدەکەن.
سەرەڕای رێکارە ئیداریەکانی حکومەتی عێراق بۆ ناردنی 400 ملیار دیناری موچەی فەرمانبەرانی هەرێم، بەڵام تا ئێستا وادەی گەیشتنیئەو پارەیە بۆ هەرێمی کوردستان دیارینەکراوە.
وەزارەتی دارایی و ئابوری حکومەتی هەرێمی کوردستان، بۆ دابەشکردنی موچەی مانگی (ئایار/5)ی فەرمانبەرانی هەرێم چاوەڕوانیگەیشتنی پارە لە بەغداوە دەکات و بەپێی زانیاریەکانیش تا ئێستا نزیکەی 200 ملیار دیناری داهاتی ناوخۆ بەردەستە، لەکاتێکدا بۆموچەی مانگێکی فەرمانبەران پێویستی بە 900 ملیار دینار هەیە.
مانگی رابردو بۆ دابەشکردنی موچەی مانگی (نیسان/4)ی فەرمانبەران، حکومەتی عێراق بەچەند قۆناغێک بڕی 800 ملیار دیناری رەوانەیهەرێمی کوردستان کرد.
