سودانی سەرۆک وەزیرانی عێراق گەیشتە میسر
سودانی سەرۆک وەزیرانی عێراق گەیشتە میسر
وتەبێژی حکومەتی عێراق رایگەیاند، "سودانی" سەردانێکی گرنگ بۆ میسر ئەنجام دەدات کە ئامانج لێی تاوتوێکردنی پەیوەندییەکانیهەردوو وڵاتە، لەگەڵ کاراکردنی لیژنەی هاوبەشی نێوان بەغداد و قاهیرە بە تایبەت لە بواری ئابوری و وەبەرهێنان، "سودانی" داواش لەکۆمپانیاکانی میسر دەکات بەشدار بن لە هەڵمەتی ئاوەدانکردنەوەی عێراق.
سەرچاوەیەکی حکومیش ئاشکرای کردووە، "سودانی" پرسی نێوەندگیری نێوان تاران و قاهیرە لەگەڵ لێپرسراوانی میسر دەخاتە بەر باس.
ئەوە دووەمین سەردانی "سودانی"یە بۆ میسر لەو کاتەوەی بووەتە سەرۆک وەزیران، سەردانی یەکەمی لەمانگی ئاداری رابردوودا بوو، کەلەگەڵ هاوتا میسرییەکەی و "عەبدولفەتاح سیسی" سەرۆکی میسر، کۆبووەوە.
