سەرۆک وەزیرانی عێراق داوای لەهەموو وەزارەتەکانی حکومەتەکەی کرد، هەموو توانا و وزەیان بخەنەگەڕ بۆ ڕێگریکردن لە هەردەستکاریکردنێک، کە کاریگەری لەسەر ئەنجامی هەڵبژاردنەکان
سەرۆک وەزیرانی عێراق داوای لەهەموو وەزارەتەکانی حکومەتەکەی کرد، هەموو توانا و وزەیان بخەنەگەڕ بۆ ڕێگریکردن لە هەردەستکاریکردنێک، کە کاریگەری لەسەر ئەنجامی هەڵبژاردنەکان هەبێت، دەشڵێت، هەڵبژاردن ئامرازێکە بۆ پاراستنی ئاشتی و سەقامگیریمەدەنی.
نوسینگەی سەرۆک وەزیرانی عێراق لە ڕاگەیەندراوێکدا بڵاویکردەوە ، سەرلەبەیانی ئەمڕۆ محەمەد شیاع سودانی، سەرۆک وەزیرانی عێراقسەردانێکی بۆ بارەگای کۆمسیۆنی باڵای سەربەخۆی هەڵبژاردنەکان ئەنجامداوە، لەگەڵ سەرۆک و ئەندامانی دەستەی کۆمسیاران وبەڕێوەبەرە گشتییەکانی کۆبوویەوە.
ئاماژە بەوەشکراوە، حکومەت کار بۆ دابینکردنی هەموو شتێکی پێویست بۆ ئەنجامدانی هەڵبژاردن و مەرجەکانی تەواوکردنی کارەکانیکۆمسیۆن دەکات، ئەمەش ئاماژەیە بۆ پاڵپشتیکردنی بۆ ئەم دامەزراوە دەستوورییە گرنگ و بنەڕەتییە لە سیستەمی دیموکراسیدا، هەروەهاڕێگری لە هەر دەستکاریکردنێک یان مامەڵەکردنێک لە دەرەوەی چوارچێوەی یاسا دەکەن.
ئەوەشخراوەتەڕوو، بۆ چەسپاندنی متمانەی هاووڵاتیان بە پرۆسەی هەڵبژاردن و دەرئەنجامەکانی، سودانی داوای لە هەموو وەزارەتەکانیحکومەتەکەی کرد، هەموو توانا و وزە بەگەڕ بخەن بۆ ڕێگریکردن لە هەر دەستکاریکردنێک، کە کاریگەری لەسەر ئەنجامی هەڵبژاردنەکانهەبێت، دەشڵێت: هەڵبژاردن ئامڕازێکە بۆ پاراستنی ئاشتی و سەقامگیری مەدەنی.
جەختی لەوەکردەوە، پاراستن و شەفافیەت لە پڕۆسەی هەڵبژاردندا بەردی بناغەیە بۆ پیشەیی بوونی کۆمسیۆن و بێلایەنی ئەدای کارەکانی،هەروەها پێویستە کۆمیسۆن بەڕووی هەموو هێزە سیاسی و کۆمەڵایەتی و مەدەنییەکان کراوە بێت، هەوڵی ڕەواندنەوەی نیگەرانییەکان ووەرگرتنی تێبینی بدات، کە پشتگیری لە کارەکانی کۆمیسیۆن بکەن.
لەکارنامەی حکومەتەکەی سودانیدا هاتووە لە ماوەی یەک ساڵدا ئامادەکاری بۆ ئەنجامدانی هەڵبژارنی پارێزگاکان و پەرلەمان دەدات،هەروەها بەپێی ئەو بڕیارەی لە پەرلەمانی عێراق دەرچووە، دەبێت لەکۆتایی ئەمساڵدا هەڵبژاردنی پارێزگاکان و پەرلەمان لەعێراقدا بەڕێوەبچێت.
