وەزارەتی نەوتی عێراق ئەمڕۆ سێشەممە ئاماری هەناردەی نەوتی بۆ مانگی (نیسان/4)ی 2023 بڵاوکردەوە
وەزارەتی نەوتی عێراق ئەمڕۆ سێشەممە ئاماری هەناردەی نەوتی بۆ مانگی (نیسان/4)ی 2023 بڵاوکردەوە و بەگوێرەی ئامارەکەش،داهاتی مانگی رابردو زیاتر لە حەوت ملیار و 796 ملیۆن دۆلار بوە.
وەزارەتی نەوت لەڕاگەیەندراوێکدا بڵاویکردەوە، بەپێی ئاماری کۆتایی کۆمپانیای بەبازاڕکردنی نەوتی عێراق (سۆمۆ)، بڕی هەناردەی نەوتیخاو لە مانگی مانگی (نیسان/4)ی 2023 گەیشتە 98 ملیۆن و 634 هەزار و 947 بەرمیل، کۆی گشتی داهاتەکەشی حەوت ملیار و796 ملیۆن دۆلار بو.
ئاماژەی بەوەشکرد، "کۆی ئەو بڕە نەوتەی بۆ مانگی (نیسان/4) لە کێڵگە نەوتییەکانی ناوەڕاست و باشوری عێراقەوە هەناردە کراوە، بڕی98 ملیۆن و 634 هەزار و 947 بەرمیل بوە، هیچ بڕە نەوتێکیش لە کێڵگەکانی کەرکوکەوە رەوانەی بەندەری جەیهانی تورکی نەکراوە.
هەر بەگوێرەی راگەیەندراوەکە، تێکڕای نرخی هەر بەرمیلێک بە 79.04 دۆلار بوە کە رۆژانە سێ ملیۆن و 288 هەزار بەرمیل نەوتهەناردەکراوە.
بەپێی ئاماری کۆتایی کۆمپانیای بەبازاڕکردنی نەوتی عێراق (سۆمۆ)، بڕی هەناردەی نەوتی خاو لە مانگی مانگی (ئازار/3)ی 2023 گەیشتە 100 ملیۆن و 913 هەزار و 27 بەرمیل، کۆی گشتی داهاتەکەشی حەوت ملیار و 506 ملیۆن و 401 دۆلار بو، بەتێکڕا هەربەرمیلێکیش بە 74.385 فرۆشرابو.
