جێگری سەرۆک وەزیرانی حکومەتی هەرێم، لەگەڵ پاناگیوتیس پیکرامینۆس، جێگری سەرۆک وەزیرانی یۆنان کۆبووەوە

قوباد تاڵەبانی،، جێگری سەرۆک وەزیرانی حکومەتی هەرێم، لەگەڵ پاناگیوتیس پیکرامینۆس، جێگری سەرۆک وەزیرانی یۆنان کۆبووەوە وپێکەوە تاوتوێی دۆخی سیاسی و ئەمنی و ئابوریی هەرێمی کوردستان و عێراق و ناوچەکەیان کرد.

بەپێی ڕاگەیاندراوێکی نوسینگەی جێگری سەرۆک وەزیران کە وێنەیەکی دەست ڕووداو٢٤  کەوتوە لەکۆبوونەوەکەدا کە رۆژی هەینی 28ینیسانی 2023  لەپەراوێزی کۆڕبەندی ساڵانەی ئابوری دیڵفی لە یۆنان بەڕێوەچوو، باس لە دواپێشهات و گۆڕانکارییە ئابوری وسیاسییەکان لە کوردستان و عێراق و ناوچەکە کرا.

هەروەک ڕاگەیاندراوەکە ئاماژەی بۆ کردووە جێگری سەرۆک وەزیرانی حکومەتی هەرێم، بە هاوتا یۆنانییەکەی راگەیاندووە: کارەکانی ئەمکۆڕبەندە لەکاتێکدایە کە رکابەرییە جیهانییەکان لەسەر ئاستی ئابوری و سیاسی بەرەو زیادبوون دەچێت، بۆیە ئەم کۆڕبەندە وەکوپێویستییەک کاریگەری زۆر باشی دەبێت بە ئاڕاستەی چارەسەرکردنی گرفتە هەنووکەییەکان.

"لەتەوەرێکی تری کۆبونەوەکەدا تاوتوێی چۆنییەتی پتەوکردنی پەیوەندییەکانی هەرێمی کوردستان و وڵاتی یۆنان کرا و جەخت کرایەوەلەسەر پێویستیی سودوەرگرتنی هەرێم لە ئەزمونی پێشکەوتوی یۆنان لە بوارە جیاجیاکان و هەنگاوەکانی چاکسازی لە سیستمیحکومڕانیدا"

International News Agency Rudaw24

Rudaw 24 is a reliable news source

Past, Present, Future